We Juͦtte van der gnade goddes ebdesghe . sophia proͤuestinne . ermegard dekemanne . vnde dat gantze / capitel des goddeshuses to quedelingeborch bekennen in disseme openen breue . dat we den hof den vn=/se borghere to quedelingeborch hebben afghecoft , heren borcharde speghele deme riddere dede / licht twischen vnser burch vnde deme hoen dore vnser stad mit alle deme bleke dat de hof begre/pen hadde do he gantz was vnde do se ene heren borcharde irst af coften hebben vnser vorebenoͤ=/meden stad ghe laten ghentzliken vnde ghelecht to wikbeldes rechte . to ener ewighen betuͦ=/ghinge disser ding hebbe we en ghegheuen dissen brif be ingheseghelet mit vnsen ingheseghe=/len na goddes bord dusent iar druͦhundert iar in deme ses vn(de) dritteghesten iare in vnser vrowen / auende to Lechtmissen