WYE Hannes vnde H(er)man Brodere ghenomed von Asmersle(uen) / vnde Herman rant knapen bekennen in disseme breue vn(de) / loue(n) entruwen . den erbarn manne(n) den burghe(re)n to Quede=/linghebuͦrch Were dat de edelen h(er)ren greue Albrecht / vnde greue b(er)nhard von reghensten en nicht neberedden / twehundert mark stend(elsches) silu(er)es nu bid sente wolbuͦrghe / daghe vord auer en jar vn(de) dar na ouer en jar / echt to sente wolbuͦrghe daghe twehundert stend(elsche) m(a)rk / vn(de) den scaden de oppe de yͤrsten twehund(er)t m(a)rk ghegan / were io to der weken oppe ses mark en lot des selue(n) silu(er)es / So scole we vn(de) willen ane allerleẏe arghelist dissen vorbe/nomden buͦrgh(er)en . dat hus gh(er)storp weder antw(o)rden . To / ener bekantnisse disses hebbe we en dissen bref ghegheue(n) / beseghelet mid vnsen ingheseghelen na goddes bord dritteyn=/hundert jar in deme negheden dritteghesten jare des son=/daghes vor sente wolburghe daghe der hylghen iuͦnkvrowen