WYE Arnd Ridd(er)e . Ekhard vn(de) Arnd knapen , brod(er)e ghenomed / stame(re)n bekenne(n) Oppenbare vn(de) louen entruwen indisseme jeghen=/w(or)dighen breue . den burgh(er)en beẏder stede Quedelinghebuͦrch / dat we , eder wey dat hus to Oldengat(er)sleue von vser weghene / inne hedde , vn(de) vnse ghesinde . en von deme seluen hus gat(er)sleue / nenen scaden don scolen noch newillen . Sceghe en bouen dat scade / von deme seluen huse . den scole we vn(de) willen en weder don na / vruͦntscap eder na rechte bẏnne(n) den yͤrsten verweken dar na alse / we des ghemanet w(or)den . To ener oppenbaren betughinghe disser / dingh hebbe we dissen bref ghegheuen den vorbenomden burgh(er)en / beseghelet mid vnsen ingheseghelen na goddes ghebord dritteyn=/hundert jar indeme negheden dritteghesten jare des dinsdaghes vor / pinkesten