We Hinrik von Werni(n)gherode , von der gnade goddes prouest . Diderik vorman / prior . Jacob . Cuͦstor , vnde de gantze sa(m)meni(n)ghe des goddeshuses to sente wẏprech=/te buten der stad to quedelingheborch bekenne(n) vnde betughen openberliken jn / disme breue , alle den de ene sen , vnde horen lesen . dat we hebben vor koft vnde / ghelaten , vor ene su(m)men gheldes , de os bered is . vnde we jn vses goddeshuses Nuͦd / vnde vromen Rede ghekered hebben . den vromen wisen luden den borghe(re)n der / stede to Quedelingheborch . anderhaluen schernen . twẏschen den vleschernen , mit / alme rechte , ewechleken to besittende . ane jenegherhande hinder . vnde ansprake / vnde noch we , noch vse Nakomelinghe en schullen nenerhande anwardighe . an / disseme anderhaluen schernen . hebben . Dat we dit stede , vnde gantz halden / willen dat betughe we mit vnsen Jngheseghelen , dar we dissen bref mede / besegheled hebben , Na goddes bord dritteẏnhundert Jar Jn dem eẏn vndever=/tighesten Jare , Jndeme Neghesten manendaghe Na palme