We [...] ¹ von Ertuelde hannes von lasforde ludger aldenstad danel von padeborne vnde la[n]ghensten in der nigen stad / to der tid borg(er)meste(re) jordan schulleke hans von ditforde bartold smed hannes von duderstad . tyle [vri]tzen berend to [...]/dorp hannes von negheleue hans von aken jan langhe vn(de) tyle von stendal radlude vnde hince rode to der tid richte(re) / [in der] alden stad . mestere . Jnni(n)gh[esm]estere der meynheyt meste(re) vn(de) de gantze meynheyt beyder stede quedlingb(orch) bekenne(n) vn(de) / betuͦghen ope(n)barliken i(n) desme openen breue . allen den . de ene sen . oder horen lesen . dat hinric stellemekere / de vnse borge(re) was . deme god ghenedich sy vn(de) vor jutte sin husvruͦwe . stunden in vnser ieghe(n)wardicheyt / mit samheyt . vn(de) wolmacht . ores lẏues . vn(de) eren² op ere erue . dat sy hadden in der breden strate . in unser alden stad . / beyde hus vnde hof . vn(de) dat se seluen er arnt . vn(de) ghekrelghen hadden . mẏt erme arbeyde . vnde gheuen dat den bar/[ueten] brode(re)n v(n)ser stad mit vnser volbort , vnde willen . vortmer hebben de barueten brodere ene muͦren ghelechd / durch de brede desses houes de ere is . mit vnseme orloue vnde hete von desser muͦren . de muren mede to³ wante / nedder an vnse stad muͦren . beẏde de brede vnde de lenghe desses houes schollen se hebben vn(de) be sitten ewechlichen / ledich vnde vri schotes wachte vn(de) alles stad rechtes . sik to makene na alle erme willen alse se aller nuͦttest moghen / vn(de) kunnen . sunder dat ander deyl desses houes mit deme huse to der straten ward . dat ok ere is. dat schal stan to wik/belde rechte . also dat se scullen dat vorschoten nach vnseme willekore vor dre vn(de) vertech marck wer sulueres / vortmer de enghe gadtze bi desseme houe de ere is . de schollen se ok hebben to erme behouͮe vn(de) nud . ledich vnde vri / sunder se scullen se vnsen borghe(re)n openen . so wanne en des nod is . Hir vmme hebben desse dikke ghenanten barueten / brodere os ghe gheuen . xxv . m(a)r(k) stend(alsches) sulueres . de we in vnser stede nud vn(de) vromen ghekeret hebben . to eneme / orkunde vnde ener ewighen bedechtnisse vn(de) betughinghe aller desser dingh . hebbe we ondessen bref ghe gheuen / [...]segeled mit vnser stad ingheseghele . Na goddes bord dretteÿnhu(n)dert iar . Jn deme dre vn(de) verthegesten iare / [in sunte] laurencius auende des hileghen mertereres