We Herman van Orsleue vn(de) klawes min bruder burghe(re) tuͦ halberstat , beken(n)en / in disme ghevordighen breue dat we hebben af gheborghet vn(de) sculdich sin Tyghen / stendelsche mark Abrame deme joden van asch(er)sleue de to Quedeli(n)gburch beseten / js vn(de) siner husfruwen vn(de) sime sone Yezare vn(de) sime suaghere dauide vn(de) / vͤren rechten Eruen dar scul we vp gheuen to wukere to jowelker weken vif / Qventin des seluen gheldes . dat rede we vorbenomeden brudere beyde ent(ru)wen / mit tzamederhant dat selue vorbenomede ghelt mit deme wukere den seluen / vorbenomeden joden to berede(n)ne we(n)ne ses nicht lengher emberen willen oder / mit vn(de) to make(n)ne mit orme willen To eyner betughu(n)ghe dat we disse ding / gantz vn(de) steyde halden willen So hebbe dissen bref beingheseghellet mit vser / beyder jngheseghelle . vnde disse bref is ghegheuen Na goddes brot ¹ Drettighen / hundert iar in deme Neghen vn(de) vertigisten jare achtedaghe na Pinckesten