Jn goddes namen amen . We hinr(ik) von mvͦlinge . vnd(e) tẏle von Hazkerode nv to disser tẏd / rades meste(re) . vnd(e) de rad gemeine beẏder stede Quedlingeburch . alle den de nv sin vnd(e) / noch tokomen de dissen bref seen eder hoͤren do we witlik dat de wislek man h(er) arnd von / ditferde prister heft luͦtterlike(n) dorch god geleget vn(de) geuen . to deme altare vp vseme / rathuse de gewiẏget is in de ere goddes der hilgen Jvncvruwe(n) sente marien . der teẏn / dusend rẏdde(re) vn(de) aller hilgen veẏr hoẏue der tv lẏggen vppe deme velde to groten dit=/ferde vn(de) de ande(re)n tv vppe deme velde to luͦtteke(n) wedderstede , disse veẏr hoẏue gan / to leẏne von vnser vruwe(n) der ebdischinne va(n) quedli(n)geburch . de mach se wedder koͤpe(n) / met veftich marke(n) stend(a)lsces silue(re)s also de disse her arnd heft gekoft . vn(de) scege / dat eder dat dat gud ande(re)s weme wuͦrde vorkoft so scolde de rat to quedl(ingeburch) met / disseme silue(n) h(er)n arnde . eder weme de altar bevoẏle(n) eder geleẏge(n) we(re) de . pen(n)ige an / alsodane guͦlde leggen . wur it on aller wissest duchte dat de jo disseme silue(n) altare / volgede Vortm(er) we betuͦgen ok dat h(er) arnd mach hebb(e)n med dissen veẏr hoẏuen / dissen altar de wile he leuet . eder mach one bevelen eder lẏgen . weme he wel . vn(de) / de wile he leuet is he des en bevele(re) eder eẏn leẏnh(er)e au(er) na sime dode valt dat an / an den rat to Quedli(n)geb(urch) . vn(de) de eldeste radesmest(er) in der alde(n) stad . scal den bevele(n) / eder lẏgen wur it on de rat moinlike(n) het . w(ere)n se des au(er) nicht entvͦchtich ¹ . weme / de meste mennẏge des rades wolde deme scolde bliue(n) de altar We hebb(e)n os ok / tegen den silue(n) h(er)n arnde vorplichteget dat de rat de(n) altar neẏmende bevele(n) / eder lẏgen scal . he ne sẏ prist(er) eder he moge in deme jare p(re)ster w(er)de(n) We hebb(e)n ok / ewelike(n) gegeue(n) met vulbort alle der vulbort dar tohort dat de deme de altar be=/voile(n) eder gelegen is . scal vrẏ wesen . vn(de) sitten scotes wachte vn(de) alles borger=/rechtes eder settinge au(er) hedde he eẏn hus i(n) vser stad dat scolde he vorscoten / alse dat gew(er)deg(et) we(re) vn(de) de rat scolde one vor ore(n) kapplan(e) t(ru)welike(n) vorede(n)di=/gen wur he des bedorfte Vnd(e) de p(re)ster de de missen holt to disseme altare scal / hold(e)n des sondages missen von der hilge(n) drevaldicheit des mandages vn(de) des / mẏdwek(ens) . seẏlmissen des dinsedages vo(n) sente nicol(awes) . des donredages von de(n) / hoͤueth(er)n ed(er) vo(n) deme hilge(n) lẏchame eder von de(n) engele(n) des vrẏdages vo(n) deme / hilge(n) cruͦce des svnauendes von vser vruwe(n) vn(de) de p(re)ster scal in alle(n) sinen / missen vn(de) tẏden Jnnichlike(n) bidd(e)n vor de(n) noͤmde(n) h(er)n arnde vor de(n) rath vnd(e) / de stede Quedl(ingeburch) . Dat disse ding von vns vn(de) von vsen nakomeli(n)gen t(ru)welike(n) / w(er)den gehold(e)n des hebbe we dissen bref geue(n) besegel(et) met vseme ẏngesegle(n) / actu(m) anno d(o)m(ini) mº cccº xlix Jn vigil(ien) purificato(n)is marie