Wye Radesmeste(re) . de Rad Jnnẏnghemeste(re) vnde de gantze meẏnheit der borghe(re) / der alden stad vn(de) der nẏghen to Quedelingborch . Bekenne(n) vn(de) betuͦghen / indisseme openen breue dat de Erbaren . He(re)n Her Eckard abbat Her Hinr(ik) Prior / Her Bode Custer vn(de) de gantze sammeni(n)ghe des goddeshuses to Ballenstede hebben / vns af ghe koft enen hof inder nẏghen stad bẏ sente nẏcolause to Quedelinb(orch) / in disser wise alse hir na ghescreue(n) steit . dat de hof vn(de) alle dat guͦd dat se vn(de) / alle ore nakomelinghe vn(de) alle ore brodede sinde indeme houe nuͦ hebbe(n) vnde / noch hebbende [werden scal sin ...] ¹ van . vnser weghene . ledich . los . vn(de) . vrẏ . schotes / wachte . vn(de) aller plicht [...] wonede auer eẏn borgher oder eyn / buͦr in deme houe in sines sulues rade [o]der in welker wẏse de ore brodede ghe/sinde nicht enwire . de scal van sineme gude don lik eneme ande(re)n borghe(re) / suͦnder wachte Ok scole wẏ ore guͦd dat vt deme houe vnde in geẏt vnde / ore ghesinde ores rechten vordedinghen alse wẏ vordeste kuͦnnen . vn(de) moghen / lijk vsen . borghe(re)n . Dat alle disse vorgescreue(n) dingh van vns vn(de) van vnsen / nakomelinghen . stede vn(de) vnvorbroklek ghe halden werden . so geue wẏ one / dissen bref med vnser stad openba(r)e jngesegele truwelke(n) besegelt vn(de) ghe/vestent Na . goddes bord drẏtteinhuͦndert iar indeme neghen vn(de) veftigesten / iare in sente Lucien daghe der heẏligen Juͦncvrowen