Wie Elzebeth von goddes gnaden Ebdesche Margarete prouestinne Ermegard Dekeninne vnde dat ghanze Capittel / des werleken goddeshus(es) up der borgh tuͦ Quedelingborgh . bekenne(n) in desseme opene(n) briefe alle den die on seen / horen edder lesen dat wie hebben gheredet vnde gheloue hanse kuzse . hanse beningen borghermestere(n) vnde deme / Rade den monomesteren den Jnningemesteren in vns(er) stad tuͦ quedelingborgh dat wie sie will(e)n schadelos halden / der viere mark b(ra)ndeborsches silueres die wie met on hadden alle Jarlekes . vnde die wie nv hebben on/drechtechleken vorkoft tuͦ dren lyuen . vnde reden vnde louen den vorebenomeden wen sie die vore sprokene / viere mark gheuen den . den wie sie vorkoft hebben so sint sie orer von vns ledich vnde los . were ok dat / sie ẏmand dar vm(m)e anspreke edder tuͦ maninge edder tuͦ reden dar v(m)me settede des rede wie vnde louen / on ledich vnde los tuͦ helpene ane allerleẏe arghelẏst vnde ane weddersprake . Disser stukke tuͦ bekentnisse / vnde orkunde hebbe wie vore ghenomeden . den erghenanten vns(en) borgheren tuͦ der stad hand dessen openen br/ief gheuen met vns(er) aller vulbort vnde iowelkes biesundern beseghelt met vns(en) guden willen met vns(er) Cap/itteles Jngheseghele dat an dessen brief ghehenget is . Nach goddes ghebort dusent Jar drye hundert Jar / Jn deme anderen vndesosteghesten Jare des anderen daghes na alle goddes hilghen daghe