Jk Hinrik Bettouer vnd(e) kerstan sin broder knechte . bekenne(n) opinbar in dissem breue / dat we mit gudem willen . vnd(e) mit Rade vnd(e) vulbort vnsir erue(n) . vnd(e) vru(n)de vns / hebb(e)n vorplichtid vnd(e) vorwilkoret . dat we noch vnse erue(n) edir vnse vru(n)de vnd(e) alle / de . de . dorch vns don vnd(e) laten willen . nv(m)mer willen beschedigen noch vordenken . / de borg(er)e algemeẏne von Quedlingeborch . vnsen h(er)ren den Bisschop vo(n) Halbirstad / sine stede . Halbirstad . vnd(e) Ascharsleue . vnd(e) alle de sinen vnd(e) sin lant . v(m)me de / schicht . de an vns is geschen . dat we altomale redelos hebb(e)n gelaten vnd(e) vor=/tigen in dissem ieghinwordig(en) briue . dat loue we on Jntruͦwen . von vnsir vnd(e) / vnsir erue(n) weghen . vnd(e) von alle der weghen . de dorch vns don vnd(e) laten / wille(n) . stede ghantz vnd(e) vnuorbroken to haldene ane allirleige arghelist . vnd(e) / hebb(e)n on des mit guͦdem willen . vnd(e) vulbort vnsir erue(n) vnde vru(n)de dissen / brif . dar vp gegeue(n) to orkuͦnde besegilt mit vnsen Jngeseg(e)ln . Angehengit / Na goddisbort drittinhuͦndirt Jar Jn dem Seuen vnd(e) Seuenttigistem Jare / Jn sente Gallen dage des hilgen h(er)ren