Erste Urkunde

Jn dem Jare do Arnoldus vnd(e) Henni(n)gh begkir in der Olden Stad Oltze Bastbrok / vnd(e) Jan Sprinkinguͦt in der nẏgen stad Borgirmeste(re) were(n) , do was hans / Beẏni(n)gh vor dem sittende(n) Rade vnd(e) vor dem Richte(re) kone(n) vogede . vnd(e) be=/kante dat he mit guͦdem wille(n) . hedde ge geue(n) an redescap Hanne(n) de sin magit / was gewest . vnd(e) ẏlseken orer dochtir so vele dat se dat huͦs mede hebb(e)n / gekoft bẏ sente benedictus kerkhoue Jegin de marter vnd(e) wat dar jnne is / dat heft hanne ẏlseken vpgelate(n) orer dochtir vnd(e) ẏlseke hanne(n) wedir vp ge=/late(n) Jndisser wis . wa(n)ne orer eẏn sterft , so blift dat ¹ hus vnd(e) wat dar Jnne is dem ande(re)n / an hinder . de wile se beẏde leuet schulle(n) se des likeweldich wesen . Act(um) anno / d(o)m(ini) mº . cccº . lxxxº f(er)ia s(e)c(un)da . post Oculi

Zweite Urkunde

Jn dem Jare do arnoldus vnd(e) henni(n)gh begkir in der Olden stad Oltze bastbrok vnd(e) / Jan Sprinkintguͦd in der Nẏgen stad Borgirmeste(re) were(n) Ratman(n)e Hans beẏni(n)gh / hans eẏkindorp . Jo . hake , hintze Cok . hilw(er)d begkir Jo Eluis hinr(ik) watirb(or)g . Jo Richard . / des Jares schagh eẏn schicht in der nẏgen stad . dat fricke Schele(n) Tile(n) vnd(e) Oltze veẏt=/ẏdeken mit oren hulpe(re)n . brachte(n) ene sa(n)ny(n)ge vo(n) buͦtwendigen. in de stad vnd(e) steghen bẏ nacht / to den augustẏn(n)en in dat Clostir vnd(e) deden dar grote gewolde vnd(e) vngefuͦghe Jnne / vnd(e) spreke(n) ok vp den Rad wor dat se we(re)n . dat se de schicht hedde(n) gedan mit hete / vnd(e) vulbort des Rades . dar deden se dem Rade vnrechte an . vnd(e) dat brachte de Rat / an de Meste(re) vnd(e) an de(n) alden Rat vnd(e) an de Eldestin der stad vnd(e) . worde(n) des mit en / andir eẏndrechtliken to Rade . dat de Stad vnd(e) de Rat to Quedlingeb(o)r(ch) v(m)me disse / ernan(ten) . schicht , vnd(e) vnrecht will(e)n desser twiger fricke(n) schele(n) tilen ² vnd(e) Oltzen ẏdekin / ewichliken enbere(n) . vnd(e) hebb(et) se vorlouet vnd(e)voruestid . vnd(e) enwillet se nerge(n) / liden Quedling(borch) vp ene mile na . vnd(e) wille(n) orer hulpe(re) ok ewichlike(n) enbere(n) . / Actu(m) anno d(o)m(ini) mº . cccº lxxixº f(er)ia qu(ar)ta post d(o)m(ini)cam Jnuocauit