Wie Borchard von der gnade goddis Greue to Reẏnsten Bekenne(n) opinbar in dissem breue / alle den de on seen horen edir lesen . dat we mit gudem willen . vnd(e) fulbort vnsis vedderen / Greue(n) Vlrikes vnd(e) mit Rade vnsir vru(n)de vnd(e) man(n)e(n) , dorch volghe willen de vns de von / Quedlingeb(o)r(ch) deden to vnsin noden an Blankinb(o)r(ch) hebb(e)n degir vnd(e) al ghentzilkin vortege(n) / allis vnwillen vploẏfte vnd(e) schelinge de we vnd(e) vnse ernante vedde(re) to den ernan(ten) / borg(er)n gemeẏnliken vnd(e) to der Stad to Quedlingeb(o)r(ch) hebb(e)n gehat we(n)te an disse tid / dat schal al redelos wesen . Ok so bekenne we , Dat we . vnd(e) vnse ernante vedde(re) Greue / vlrik vnd(e) vnse erue(n) de Ernanten borge(re) vo(n) Quedlingeb(o)r(ch) nicht mer andedingen / noch anspreken will(e)n noch hind(er)n schulle(n) . an holte . weẏde . watere vnd(e) an vischeryge / vnd(e) an ande(re)n stuͦcken de we in ansprake hebbe(n) gehat . vor dissir tid dat we allit redelos / seggen vnd(e) laten in dissem breue von vnsir vnd(e) al vnsir erue(n) wegin . vnd(e) alle der / vnsirn Vnd(e) en wille(n) se nerghen vorenghen . in alle dissen stuͦgken So wuͦ se it vo(n) / alder gehat hebb(e)n Des to Orkuͦnde dat disse vorscreue(nen) stuͦcke Stede gehalde(n) werden / an argelist , So hebbe we ernan(ten) .Greue Borch(ard) vnse Jngesegil an dissen bref gehengit / laten . Des we Greue vlrik mit vns(in) ernan(ten) vedde(re)n gebruke(n) . geue(n) na goddis bort / dritteẏnhuͦndirt Jar Jn dem tweẏ vnd(e) achtigistem Jare , des dinsdagis vor sente Galle(n) / dage des hilge(n) h(er)ren .