We Anna van goddes gnaden Ebdische des wertliken Gestifftes sinte [...] vp der Borch to Quedelingborch / Bekennen in dissem open(e)n breue vor allen de on sehn horen edder lesen dat we vns . myt den vorsichtigen vnsen leuen / Getruwen Borgermeste(re)n Radmann(en) vnd(e) Borge(re)n gemeynliken vnser Stede Quedelingborch goytliken in fru(n)tschop vordragen / vnd(e) geeynet hebben v(m)me allen schel vnd(e) twẏdracht so twischen vns vnd(e) on wente an disse tẏd gewesen is vnd(e) nemeliken / v(m)me de jodden de in vnsen vpgn(an)t(e)n Steden wonhafftich sin So dat vnse wille dar v(m)me gemaket is dat se der vnse leuedage / schullen mechtich sin to vordedingen to biddene vor to wesen to hetene vnd(e) to vorbedene ane vnse jnsage vnd(e) weddersprake / vnd(e) disse vorscriui(n)ge vnd(e) eyni(n)ge schal vnschedelick sin vnsen nakomelingen sulken priuilegien vnd(e) eyni(n)gen vnd(e) breuen / so vnse leuen getruwen vorgna(n)t vnsen vorfar(e)n vns vnd(e) vnsem Capittele geue(n) hebben vnd(e) des gelick wedder v(m)me dat / disse vorschriui(n)ge vnd(e) eyni(n)ge schal vnschedelick sin sulken priuilegien eyni(n)ge(n) [vnd(e)] breuen so vnse leuen getruwen vorgn(an)t / van vnsen vorfar(e)n vns vnd(e) vnsem Capittele erworuen hebben ane geferde des to orkunde vnd(e) tuchnisse hebben we on / vor vns dissen breff gegeuen besegilt myt vnsem angehengedem(e) groten Jngesegile Na (cristi) vnses heren gebort / veirtheynhundert Jar in deme Seuen vnd(e) vertigesten Jare am dynsdage na ¹ der hilligen drÿer konni(n)ghe daghe