WE Ratmanne vnd Burmester(e) Jnningemester(e) / vnd borge(re) ghemeyne to halb(e)r(stad) Bekenne(n) in / disse(m) opene(n) breue vnd don witlik allen de / on sehn vnd hore(n) dat we os hebbe(n) gedan to vse(n) leue(n) vru(n)=/den den borgermester(e)n dem Rade vnd den borger(e)n gemey=/ne in der olde(n) stad tho Quedd(elingborch) ewichlike(n) by on to bliuende / to al iren node(n) Were dat se ienich ma(n) dringe(n) welde edd(er) / hinder(e)n an yre(n) rechte Dat schollet se os witlik don des / scholle we recht vor se bede(n) vertey(n)nacht were it dat we / en nenes rechte(n) enhelpe(n) konde(n) noch ne mochte(n) so schulle / we on to hulpe syn mit alle deme dat we vormoge(n) vp vse / kost vnd vse aue(n)ture Dat sulue schulle(n) se os wedder don / to eyne(r) orkunde disser dinge hebbe we vnser stad Jnge/segel henget to disem breue de is gescreue(n) vnd geue(n) / Na goddes bort duse(n)t Jar dre hundert Jar Jndem ses vnd / twintigeste(n) Jare Jndem here(n) dage sente tiburtius vnd / sente valentian(us)