We Radesmestere de Rath Jnnigsmester(e) vnd(e) de gantze meinheit / der Borgere der Olden stadt vnde der Nyen to Quedelingborch / Bekennen vnd(e) betuͮgen in dussem open(e)n brefe dat de Erbar(e)n / her(e)n er(e)n Eggehart Abbet her(e) hynrik p(ri)or he(re) Bode / cuͤster vnde de gantze sampni(n)ge des goddeshuses to Balle(n)stede / hebb(e)n vns aff gekoft einen hof in der Nÿenstadt bij / sunte Nycolause to Quedelingborch Jn dusser wise alse / hiir nah geschreue(n) steyd dat de hoff vnd(e) alle dat gud / dat se vnd(e) alle ore nakomelinge vnd(e) alle ore gebrodede / gesinde in dem(e) hofe nü hebb(e)n vnd(e) noch hebb(e)n werd(e)n / schal sin vo(n) vnser wegen leddich losz vnd(e) frÿ Schotes / wachte vnd(e) aller plicht sedes vnd(e) rechtes , wonede / ou(er) ein borg(er) edder Bur in dem(e) hofe in sulues rade / edder in welker wise , de ore brodede gesinde nicht enwe(re) / de scholde vo(n) sinem gude don gelik einem ander(e)n borgere / sunder wachte , Ok schull(e)n we oͤr gudt dat vth dem(e) hofe / vnd(e) ingheit vnd(e) or gesinde ores rechten vordedingen / alse we forderst ku(n)ne(n) vnd(e) mog(e)n gelik vnsen borger(e)n / dat alle dusse vorgeschreue(n) dingk vo(n) vns vnd(e) va(n) ¹ vnsen / nakomelingen stede vnd(e) vnbroklich gehold(e)n werd(e)n , so / geue(n) we one dussen bref mit vns(er) stadt openbare(n) / Jng(esegel) truweliken bosegelt vnd(e) gefestend nach goddes / gebort xiii(en) Jar Jn dem(e) lix Jare in sunte lucien / dage der hillig(e)n Jungfruw(e)n