Vm(m)e vorlatingh der(e) husszer(e) , schal oth alszo ghehalghe(n) werden , / wer eyn(n) husz vo(r)lathen(n) wil , de schal kome(n) vor(e) meÿne gnedighenn / vroüwen gerichte vnde da(r) vor Richtere vnd Scheppenn , vor(e) gehe=/gedet dingbanck solch husz adder hoff vo(r) lathen , vnd jn dat boeck / dat man(n) Jngerichte heffen(n) werth lathen teẏcken vnd eÿn(en) nüw / nÿen ¹ g(rosschen) geüen(n) , dat solck gheschreüe(n) werde , vnd szo dat ghescheÿn(n) , / Schal he eyn(en) czedel vom(m) Richte(r) nemen(n) ² , wel he sick denne jn / dat stadtbock ock Scriüen lathen , Schal he eyn(en) Zcedel va(n) dem / Richter nemen , vnd vo(r) den(n) Radt ghan , vnd dat jn dat stadt / boeck lathen(n) teÿcken(n) /

Vm(m)e des Rades schulde de op(pe) dat radthusz gehor(e)n , thoermane(n) schal / odt alszo gheholden(n) werden , we de nicht gifft , vpp(e) tidt alsze sick / behort den schullen sie vth de(r) Stadt vo(r)loüe(n) , vnd dar jn nicht / wedde(r) tho komen , He heffe denne solcke schülde dem(e) Rade entrichtet / vnd ghegheüe(n) , Bedripptedt ader p(er)sonen des rades ³ Jnsundericheÿt de / schullen(n) ore schulde mane(n) vo(r) mÿne(r) gnedighe(n) frouwen gherichthe / alszo eyn(en) gemeyn(en) borghe(re) /

Vm(m)e vngehorszam(m) , Schal odt alszo gheholden werd(en) , worde eÿn / borghe(re) dem rade vngehorszam(m) , szo schal de radt den Süleffte(n) opp(e) / ey(n) stadt dor(e) jngehorszam(m) geleyden , vnd on vm(m)e den vnghehorsza(m) / straffenn , worde ader de sülffte den(n) geboden gehorszam vorachte(n) / vnd opp(e) dat doͤr nicht ghan , alzo on(n)e dat gebod(en) werth , Ader / ane willen des Rades vam(me) dore gha(n) , Szo schal de sülffte vnge/horsamet bürghe(re) , die stadt Qüedelingborgh ein jar(e) myden / vnd jn sine hüssinghe nicht kome(n) vnd szo dat jar(e) vm(m)e ku(m)met , / wel de(n)ne de suleffte wedde(r) jn de stadt , vnd tho dem(e) sinen / kome(n) , Schal he sick glick wol midt dem Rade vm(m)e den vngeho(r)sza(m) / vordraghen , wurde de ⁴ ock de sülue bẏnne(n) dem Jar(e) in de stadt / komen , Schold(en) sze den griffen gefenglick setthe(n) , vnd dar vm(m)e / straffen