Ek hans keyser vnd(e) hans fricken Jtsu(n)d alderlude vnde vorstende(re) des goddeshuͮses / sanctẏ blasij to Qüedelingborch be kennen i(n) dussem open breüe vor al den de oͤn sehen hore(n) / edder lesen dat we myt vulbord witschup vnde will(e)n vnser parlude ge meine hebben vor/kofft vnde vor kopen in crafft düsses breües eyn schokwert geldes jarliker gulde Quede=/lingb(or)gescher wering(e) dem be schedene he(n)nig üse Rislinghe ¹ vnsem Cüstere kathe(r)inen sy=/ner Eliken hüsfrowen to orer beider liüe vnde hebben oͤn dat ge gheüen vor xij / schok der suluen weringe de we vorder hebben ge lecht vnde gekard in vnses goddes=/hüses nüd vnde vromen dat vor ge screüen schokw(er)t geldes schülle we vn(de) will(e)n vnde vnse / nakomelinge oͤne reken vnde geüen alle jar vp vnses leüen heren goddes hy(m)meluart / vmbekümmert geͥstlikes edder wertlikes gericht(es) vnde rechtes de wile se beide leüen na =/ gifft düsses breues² wen se aüer van dodes wegen beide aff ghe ghan syn god vriste se lange / So synt so dane tinse myt dem houetgüde vnsem goddeshuse Quid ledich vnde los gestor=/uen ane insprake orer erüen vnde eynes jowelken Des to bekantnisse vnde merer wissenheit / hebbe we alderlude ergn(an)t(e) one dussen breff ge gheuen vor segelt vor vns vnde vor alle / vnse nakomelinge myt vnses goddeshuses angehengeden Jnges(egel) de ge ghefen is na (cristi) / ghebord vnses leuen heren düsent veͤrhu(n)dert jar dar na in dem eyn vnde vifftigest(en) / jare in vnses leuen heren goddes hy(m)meluart aüende