Vnse fruntlike denst touor(e)n leuen frundes hans schade de olde juwe medebor=/g(er) hefft an vns schrifte gedan henni(n)gh va(n) Rethen vnse(n) medeborg(er) belange(n) / va(n) sak(e)n de gik vormals wol sin vorgekome(n) So den(n)e de vnse vorb(e)n(omede) sek up / gik vnd(e) vns vorbuth sin(er) to Rechte mechtich to wesen dem(e) juwe to donde / so uele in rechte irkant werde Bidden we gutlik(e)n hanse schaden vnderich=/t(e)n dat he myt sine(n) sone alsodane ladinge tige(n) de(n) vnse(n) myt westfelschem / richte angeslage late ane sin vnd(e) dar mede vngedreng(e)t dat vns up alsodan / des vnse(n) vorbedingen billick duncket wesen gik hijr gutwillich jnne / bewisen vordene(n) we jm(e) glik(e)n g(er)ne juwe antw(or)de schr(euen) am(me) mydwek(e)n / na leta(r)e vnder vnsem scri(ptum) Anno d(o)m(ini) (et cetera) lxvj / De Radt der Stat / Halberstadt