WE Herman(n) prouest vnnd Clawes frickenn Jtzundt Alderlude vnnd vorstender(e) des goddeszhüses / Sancti Blasij Jn der olden stadt Quedelingborch Bekennen Jn dussem vnsem Open vorsegilde(n) / breüe vor vns vnnd alle vnse nakomelingen vor alswem die ohne sehin horen edder leszen / dat we Recht vnnd Reddelicken mit witschoͤp vnnd vulborth vnser neyber gemeynlicke(n) / hebben vorkofft in crafft dusses breües twene Rinssche gulden Jarlicker tynsze deme / werdigen hern Erhinrick helwige eyn prebendate vp der borch Quedelingborch Deme / we den altaͤr vnser leüe(n) fruwen beuolen vnnd gedaͤn hebben mit twen missen alle weke(n) / vor dem altar(e) to holden(e) sin leüe daghe jn der kercken Sancti blasij Vor dusse twene / gulden Jarlicker tÿnsze heft he vns vnnd vnsem goddeszhuse gegeüe(n) vnnd reide oüer / betalet ses vnnd drittigh gude rinssche gulden gudt an golde de we forder hebben gekarth / vnnd gewant in vnses goddeszhuses nut vnd fromen Dussen gnante(n) tinsz twene rinsche / gulden schullen we vnnd alle vnse nakomelingen dem gnant(en) erhinrick helwige / reyken vnnd gheue(n) op su(n)the gallen dach negist to kome(n)de na gift dusses breües / Jn der stadt Quedelingborch vmbeku(m)mert aller gerichte geystlick offte wertlick / vnnd denne also forder alle jaͤr op de genante(n) dage tidt de wile he leüet . Vnd / weret auer dat he sik anders wur he geue(n) wurde . So schüllen dem gnanten / erhinricke de twey rinssche gulden volgen sin leüedage vnd nicht den altar(e) / nehmen die wile dat he twey missen bestellet Gescheget aüer dat de gnante / erhinrick an den twen missen sümich würde vnd der nicht heilde ader bestelte / alse ohm de befolen sin Schulle(n) vnd willen wÿ danne ader vnse nakomelinge / den altaͤr vnd missen eyne(n) andern p(re)ster befelen , Sunder wan he van dodes wege(n) / aff gegan is dar ou(er) godt lange an(e) vriste , so schulle(n) we gheue(n) de twene gulde(n) / tinsses deme p(re)ster dem de altar dorch vns ader vnse nakomelinge befolen werth / op den gn(an)t(en) su(n)te mertens dach , de dar eyne misse alle weken to troste hulpe / vnd salicheit des vorgn(an)t(en) erhinrickes vnd siner eldern selen schal holden , Also / dat de prester dem de altar befolen werth mit dren missen vor dem berorde(n) altar / alle weken to holden schal vorplichtet sin , Dusses to forder Bekentnisse vnnd wissenheit / dat alle stucke pu(n)ckte vnd artikele dusses breues van vns vnd alle(n) vnsen Nakome/linge(n) alderlud(en) des goddeshuses sancti blasij Jn der olde(n) Stadt Quedelingborch stede / vast vnnd vnuorbroken schulle(n) gehalden werden hebben we vnses goddeszhuses Jnge=/segel vnden an dussen breiff hengen lathen Nach Cristi gebort vnses leue(n) hern / Dusent veirhündert Jn dem tweÿ vnnd neghentigesten Jarn am aüende /