Eck vosse va(n)n dytfort arffmarschalck des verlyke(n) vrẏen stẏfft(es) y(n) quedely(n)gborch / Beke(n)ne openbar(e) jn dussem(m) mẏne(n) ope(n)n vorsẏgild(en) brefe dat eck vor kope vnd(e) / vor koft hebbe myt wuͮlborth vnd(e) mẏt wite(n)schop mẏnem Eru(en) johan van dytford(e) / eyne hoüe landes vp dem lutken dÿtford(er) velde belegen hinrick waffleue(n) vnd(e) sÿnem / Broder Clawese vor xiiii rẏnsche gvlden dre jar lang wü eck de(n)ne ensodane / houelandes vor en so ¹ szodane viiii rẏnsche gulden eder szo vele geldesz dar me(n) viiii / rẏnsche gwlden mede betalen mach wor bleüe auer de losing(e) wn(n)d(e) nicht / szchege na den vor lopen dreyn iaren szo schal de vpghemelthe hinrick vafloue(n) effte / syn broder Clausz edder hebber dvsses brefes de houen noch dre jar hebbe velke tyd / Eft seck denne na vor lope der vj iar eck edder mÿne eruen losen villen schal wnd(e) vil / eck ohn de lose kunden vp wynnachte(n) vnd(e) dar negest vp Negest komen / Paschen sẏn geltz tho geven Dwsses tho eyner sekeren(n) vyssenheẏt vnd(e) ghetüchnisse / hebbe eck ergnant(er) Bosse van dytfort vor meck² vnd(e) vor myne(n) eruen(n) dem ghena(n)t(en) / Hinrick vnd(e) Claus wafloue(n) edde oren erwen dussen breyf gewen / worsigelt na godes gebord(e) dvsent wehunderth dar na jn dem veer vnd(e) / Negen(n)tigesten(e) jare