Dat en man en ordel dat van / deme huͦs kuͦmt vor dat richte be/scelden mach in dat booc . / ¹

So wanne de raat en ordel van / deme huͦs sendet vor dat rich/te , besceldet dat en man dat mach / he bescelden an dat booc spre-/ket dat booc , alse de ratmanne / dat wunden , so sal de man dat / beteren mit . j . marc syluers / were auer dat also , dat dat / recht in deme boke nicht ne / stunde . so sal dat ordel stede bli/ven . vn(de) de man sal dat beteren / mit . x . marc sẏlueres / were dat auer , dat et booc an/ders spreke , dan et de ratma(n)ne / wunden , so en darf hes nicht / beteren .

Dat en ordel vn(de) guͦt dat vor deme rade vp ghe/laten wert . al stede bliuet . en / wederspreket de nicht dem et a(n)geẏt / ²

So welkerhande guͦt vor / deme rade vp ghe laten / wert , vn(de) so wat ordel vor deme / richte ghe wunden wert , vn(de) // de tho antworde is deme dat an geẏt / vn(de) weder redet he dat dar nicht / et bliuet al stede .

Dat maghe / vnde swaghere af scoͮlen gan / so wanne en ordel koͮmet vppe / dat huͦs vor den raat .³ /

Kuͦmt en ordel vppe dat huͦs / vn(de) wert ghe beden dat men / mage vn(de) swaghere af late gan / so scal en iewelic man de dar swa/ger ofte mach tho is ofte in der achte gewesen heuet⁴ af gan vn/ghenoͮmet , vn(de) he sal sic suͦluen / manen , bleue he oc sittende de / dar tho hoͮrde , he sulde deme rade / gheuen . j . verdinc , et ne were / also . dat he des nicht ne wiste / dat he dar tho horde . vn(de) dat sal / he waren ⁵ vppe den hilghen /

Dat nen man den anderen / panden sal . vmme guͦt dat he / eme heft tho borge dan / ⁶

En man se , weme he sin / guͦt tho borge do , vn(de) wert / he dar vmme clagachtich . vn(de) / mach eme tho dere stat . dor breue / willen recht be scen . alse dar sta/des recht is . ove lant recht . he // ne scal nenen man panden al dar vmme / Mer ne mach eme nen recht be scen / so sal de stat eme raden vn(de) helpen tho / siner sake .

Ofte e(n) vnse borghere / twidrachtichet makede in eneme / lande dar wi vrede mede hadden / vn(de) den vrede vn(de) vruͦnscap breke /⁷

So war en vnse boͮrghere in vroͮ/mede land kuͦmt , dar wi vrede / mede hebbet , vn(de) dar ene twidrachtich/et maket , van welkerleẏe stuͦkke / dat et si , dar de vruͦnscap mede ghe/sceden mach werden , de sal dar weder / varen vn(de) scal sic dar vor evenen iset / dat et ratmannen , ofte anderen eraf/tighen luͦden witlic is , were dat he / des nicht don en wolde so sulde he / vnser burscap vnberen mit wif vn(de) / mit kinderen Mer woͮlde iema(n)t / vnsen borghere tho vnrechte be swe/ren , so sulde eme de raat helpen tho / sineme rechte mit alle deme dat se / vor muchten .

Dat raat luͦde ofte / winkopes luͦde tuͦghe(n) moghe(n) vorwort /⁸

So welic man nemt ratluͦde ove / winkopes luͦde over ene vorwor/de vn(de) vellet also , dat et tho claghe // queme , vn(de) toͮghe me(n) vppe de luͦde / vn(de) weren se der vorworde be kant / dat bleue al stede .

Ofte en man / scult vorderet va(n) eneme de nicht vor gelden en mach /⁹

So we se scult vorderet vppe ene(n) / man de nicht vorgelden mach / noch boͮrghen setten bouen . j . verdi(n)c / vn(de) be kennet he der scult , de voget / sal eme den man antworden vor sin / gelt , vn(de) den sal he setten to des / stades boden hus . vn(de) sal eme / gheue(n) water vn(de) brot . wil he / eme anders gheue(n) . dat licht an / deme sakewolde(re) . wil ene de sakewol/de ene in sin hus neme(n) dat sal he dun mit vulbort des voghedes . /¹⁰ Let he ene oc gan mit willen , dat / he eme dath gheuet , ofte vnt loͮpt / he eme su(n)der sinen danc , dar mede / en is he nicht ledich , alle de wile / he eme nicht geldet , so is he iu(m)mer / sin pant vor sin gelt