Ofte mer luͦde dan en / eneme ma(n)ne gelt louet /

So war meer luͦde ene(n) ma(n)ne / gelt louet , alle sint se dat scul/dich tho geldende , vn(de) nicht er ie/welic al mer malt also vele alse / eme tho boͮret, Sunder lovet / luͦde mit sameder hant , so mach / men van dere scuͦldemere en . / voͮrderen de scult tho male /

Ofte en man deme anderen sin / guͦt doͮyt tho holdende /

So welic mensche deme ande/ren sin guͦt doͮyt tho holdende / vn(de) werdet eme vor scolen . ofte af / ghe rovet . ofte ghe brant , vn(de) vor/luͦset he sin guͦt dar mede , vn(de) wil / he et vppe den hilgen waren dat / he dat sin dar mede vor loren heb/be , vn(de) dat et ane sine witscap ghe/scen si , he ne sal dar nene noot / v(m)me liden , vn(de) iset . ve . ofte . quik . / vn(de) stoͮrue dat , deme dat tho holden/de was ghe dan , de ne sal dar nene / noot vmme liden , wil he dat swe/ren , dat et ane sine scult , doot si // ghe bleuen .

Ofte e(n) man vor luͦset en / ghe lenet dinc , ofte en pant /

So wat en . deme anderen lenet / dat sal he vn verderuet eme we/der antworden , ofte gelden na sineme / werde ofte dat vorloren wert , / mer vor luͦset e(n) ma(n) en pant . ofte / steruet eme en pert . ofte en quek . / dat eme tho eneme pande ghe sat is / dat en darf neman gelden . men he / sal dat sweren , dat et ane sine scult / vor suͦmet si , he vor luͦset auer sin / gelt , dar et eme voͮre stunt , et ne si / dat ere voͮrwort anders sint /

Ofte / en ruͦchte scuͦt in der stat . /

So war en ruͦchte scuͦt in der stat / vn(de) dar ghe scriyet wert , vn(de) / komet de naburen dar nicht tho de / dar bi beseten sint , dat soͮln se beteren / der stat , er iewelic mit . j . m(a)r(k) suͦl/vers , so we auer sweren wil dat he / des nicht ne horde , de ne darf nicht / beteren ,

Ofte en scelinge scuͦt bin/nen der stat ofte buten . /

Gescuͦt en scelinge hir in desser / stat , vnder guden luͦden . ofte . / buten landes , vnder vnsen boͮrgheren // vn(de) komet dar een ratmanne tho vn(de) / nemet dar enen dach vnder . wante vor / den raat . ofte vor dat richte . vn(de) bedet / den vrede tho holdende . so we . den vrede / breket . de sal dat beteren . also hoghe / alse de vrede ghe boden was et si . bi / liue ofte¹ bi guͦde .

Ofte en man e(n) baner / an bint , ofte de klokken sleyt /

So we . en baner an bint . ofte de / klokken sleẏt . ofte samninge ma/ket sunder wuͦlbort des rades , tho / ener vor stoͮrtnisse des stades , de sal / dat beteren . mit sines suͦlues liue /

Ofte e(n) man vnsinnich woͮrde /

Iset dat en man van sineme sinne / queme , de ne mach nen guͦt en/wech gheuen . des men ghe waret / si vn(de) sine naghesten vruͦnt / scoͮln ene be waren , na bode des ra/des , dat he nenen scaden en do , vn(de) / en dot se des nicht , se scolen antwor/den vor alle den scaden den he doͮẏt /

So wellic ratma(n) beden wert /

So welic ratman ge beden wert / van den borgermestere(n) tho boscap / eder to andere(n) saken . alse to du/nemẏnde . eder des geliik . bi(n)ne(n) // der stades marke . vn(de) bi(n)ne(n) der / stat . so we des nicht en døẏt . de scal / dat beteren mit dren m(a)r(k) suͦluers /

Svne den anderen druͦuet /

So welic ratma(n) . den andere(n) . bi(n)ne(n) / den vere wenden des rathuses . be/drøuet mit snoden worden . alse / gi leget . eder gi segget vnrecht . / eder dat en is nicht war . wert / dat be hort . va(n) twen ratma(n)ne(n) . / dat scal he betere(n) mit . iij . m(a)r(k) / suluers . iset dat de wort groͮttere / sin . so scal he dat beteren na willen / des rades , vn(de) van deme rade / nicht to gande et en si vor liket / vn(de) vor euenet . /