So war en scep ge scepet wert . / vter dẏne . /

So war en scep ge scepet wert . / vter dẏne . ofte to der dẏne . cømet / en vngelukke . dat dar gut ghe/worpen wert . van not wegene . / alle dat gut dat dar ge worpen / wert . des en punt betere is dan / dre marc syluers . des sal gan en / pu(n)t vor twe . vn(de) wat ergere is . / dat sal gan pu(n)t vor pu(n)t . vn(de) dat / scep sal gan vor also manich pu(n)t / alset manige dre m(a)r(k) wert is . / al duͦs sal me(n) rekenen dat werpe / gelt . vn(de) dat vndẏreste gut sal / me(n) werpen . Mer lezagen gelt / vn(de) lote gelt . vn(de) allerleẏe vngelt / sal me(n) rekene(n) na m(a)r(k) tale . Su(n)der / golt . suͦluer . pe(n)ni(n)ge . smide . stenete / side . vn(de) siden wa(n)t . sal me(n) rekene(n) / twe m(a)r(k) vor en . /

van den scipmannen /

So wa(n)ne e(n) scephere ene(n) scepman / wi(n)net . deme sal me(n) half sin lon // geuen . vn(de) de anderen helfte . wan / he de vor denet heuet Mer¹ en scep/ma(n) sal hebben bi(n)ne(n) landes . twe pu(n)t / to erer voringe . vnde dor den sunt / sal he hebben ver pu(n)t to voringe / na heringh tale to rekene² . /

[S]o³ wan en scep geschepet w(er)t ut(er) / duͦne . vn(de) segelet dat schep ut also vere / also men den lof van deme lande nicht / seen mach . queme dat scep wedd(er) in va(n) / windes wegen . wolde we up scepen de / schulde gheue(n) wulle vrucht . w(er)e och dat / en scep ut gesegelede , vnde lestede bi(n)ne(n) / v(n)seme depe(n) . de scepph(er)e eghet vord(er) nicht / den halue vrucht . al w(er)e he wol vor ut / gesegelet alse dar vor steit ghe screue(n) / vnde queme wedd(er) in . so ege de he jo / nicht mer den halue vrucht /