IN godes namen . Amen . Up dat de werck . / desser ieghenwordighen tit nicht en werden vor su=/met van der krancken ghedechnisse der lude . So plecht / men se mit breuen Vnde mit schrift tho bewaren Hir=/vmme witlik sẏ alle den ghenen de nu sint . Vnde noch to/komende sint . Dat inden iaren vnses herren dusent dre=/hundert . vnde in deme verendefich[t]ichsten iare . De mene / kumpanie beẏde gast . vnde borgher . van den kopluͦden des / tho rade worden sint . inder stat tho der Rẏghe . Dat des=/seme huse . Vnde desser kumpanie enen namen gheghe=/uen hebben also den hof der kumpanie van den koplu=/den . De mene kumpanie mit gichtighen munde desse schra / Vnde desse broke . de hir na volghet ghevulbort hebben dor / endracht . vnde ghemakes willen . Vnde anders nene . / Tho deme ersten male . Nota . /

SO wanne(r)¹ eẏn der kumpanie beghert . den scal men / entfan mit vulbort der mener kumpanie . Vnde de / scal gheuen eẏne halue marc suluers . Des scholen ko/men vif ore tho den ellenden luden tho bestadende . /

UEret oc also . Dat hir eẏn man den anderen in brin/gen wolde . De scal komen sulf derde vor de Older/lude en in tho weruende . Vnde se en scholen anders nicht // van eme weten . den van eme echten . vnde van eẏneme / ghuden knapen . Vnde weret dat he eẏn besproken / edder vnechte knape were . Vnde se ene hir in bringen . / wolden mit vorsate . de scolden betheren eẏn gewelik en / lẏuesch punt wasses . Vnde des nicht tho latende . Vort/mer were hir genich man de gicht quades van eme vuͦste / Vnde dat vor sveghe . De dat dar na vppen wolde . de schal / betheren twe lẏuesche punt wasses . Vnde nicht tho latende , /

Uort mer so en scal neẏn man eẏnen gast bidden tho / drinkende . Hee en wete dat hee eẏn ghut knape / si bi eme haluen lẏueschen punde wasses , /

UEret och also . Dat eẏn man eẏnen viant hadde / in desser kumpanie . Vnde but sik de man tho be/theringhe . Men scal ene entfan tho der neghesten steuene / Moghen se sik vnder des vorliken . wol vnde ghut . moghen / se nicht . De ghene dar brake an is . de scal der kumpanie / . en beren . /

UOrt mer . So sint se des tho . / rade worden . Dat men nenen ammet man edder / hantworden na desser tit . Noch misse prester entfan scal / Och so sint se tho rade worden . Dat men nenen vndu=/dischen entfan scal . Dor ghemakes willen . /

Uort mer en gewelich man . De dar eẏnen gast in brin//get . De scal gheuen vor en ses lubesche penninge . /

Uortmer so se eẏn gewelich . man dar tho . Dat hee also / danighen gast mit . sich in bringhe . Dat hee siner nicht in / schaden kome . /

So wanne de olderman spreket . So scal men lust ghe/uen . So we des nicht en doẏt . De scal betheren . eẏne . / marc wasses . /

SO wanne de olderman eẏne steuene budet . So en / scal nen man vt der kumpanie gan . id en si mit / orloue des oldermannes . gheẏt hee auer vt . sunder or=/lof . Hee scal betheren eẏne marc suluers . /

SO we deme oldermanne vnghemak doẏt . Efte sinen / bisitteres . De scal betheren eẏne marc suluers . also . / dicke alse hee breket . /

SO welik man de de klocken ludet sunder hete . gifte / sunder orlof des oldermannes . De scal betheren eẏne / marc wasses . /

SO wanne de olderman eẏne steuene kundighet . so / welich man de vorsumet de be nuͦmede steuene . De scal . / beteren eẏne marc wasses . id en si dat hee sich redeliken / vnt segge moghe van sake weghene . /

UEret och dat eẏn twist vp stunde inder kumpanie // des god nicht en wille . Vnde de olderman dor des willen / eẏne steuene kundighede . So welich man dor houerdigheẏt / willen de steuene vorsmat . vnde dar vt gheẏt . De scal be/teren eẏn half lẏuesch punt wasses . /

UOrt mer weret dat geneghe twidracht worde in / der kumpanie . De twidracht scal men hir inne / vorliken . Vnde weret dat erer welich also homodisch were / dat hee de kumpanie vor lichtighen wolde . Vnde de suluen / sake nicht vor liken laten wolde . na ghuder lude segen vn/de rade . Vnde were dat also . Dat hee vor den raat . edder / vor de voghede ghinge . Also danich ghelt als hee deme ra/de . Edder den vogheden betheren scholde . Also danich ghelt / scholde hee betheren der kumpanie . Vnde des nicht tho la/tende . Weret dat hee sik dar wedder setten wolde . So scholde / hee der kumpanie en beren . Vnde noch dan dat ghelt vt=/tho gheuende . Were dat och also . dat en vt vnser kumpanie / ene dar tho helde . edder an herdede mit rade . mit dade . mach / men ene des vorwinnen mit twen mannen vt der kumpanie / De scal betheren eẏne mark suluers . /

SO welik man deme anderen mit tornighen mode . / quade wort ghift als schalk edder des ghelikes . De / scal betheren eẏne halue marc suluers . //

Js id och dat de ene den anderen def heet edder des ghelikes / Dat an sine ere gheẏt vnde an sine vuͦre . De scal beteren / ver lẏuesche punt wasses . /

SO welik man den anderen sleẏt binnen der kumpanie . / de scal betheren eẏn schippunt honighes Vnde eẏneme gewe/liken brodere eẏnen verdingk . /

UOrtmer we den anderen sleẏt vppe der strate . De wile . / dat de drenke waren . De scal beteren der kumpanie eẏne / marc suluers . /

UEre dat also . Dat genich man claghede . vor der tafel / des hee nicht volbringen mochte . De scal betheren eẏn half / lẏuesch punt wasses . /

UEre och dat . Dat genich man dobelde . binnen desser / kumpanie . De scal betheren eẏn half lẏuesch punt wasses . /

UEret ok . dat genich man den anderen bespottede in ernsten / mode . de wile dat de drenke wareden . De scal betheren eẏn / half lẏuesch punt wasses nichtes nicht tho latende . /

UEret dat eẏn man vp stunde . Vnde ghinge mit eẏneme / beker ouer tho der anderen bank . Edder sette hee den beker / bi sich dale . So hee den schenken hebben mochte . De scal : / betheren twe artich /

WEret dat vt vnser kumpanie . eẏn van der se . queme . // Edder van deme weghe inde kumpanie vor deme talpe(n)ninge / De scal betalen lik eme anderen . is id ok dat hee dar na in / kompt . So scal hee gode . Vnde vns willekome wesen . /

WEret ok dat genich man van vnser kumpanie hir / in der stat were . tho den tẏden wanne vnse drunke . / waren . vnde de drunke vor mede . de scal beteren eẏn half lẏ/uesch punt wasses . Jd en si dat et eme beneme heren bot / edder sukedaghe . ofte armot . Dat hee be wisen moghe . Vor / der menen kumpanie . /

UEret ok . Dat genich man vt vnser kumpanie . vor/armede . De en darf der kumpanie tho den drenken nicht / schuen . Des hee eẏn ghut knape si . /

UOrtmer so en scal nen knecht stan bẏnnen der dore : / bi eẏner marc wasses . /

UEret ok dat gennich man spreke indes oldermannes / wort . wanne dat hee spreke . De scal beteren ver marc / wasses . Des ghelikes an sinen bisitters . So wanner dat / se in der tafelen sitten . /

VOrtmer so en scalmen nene kannen vt senden . noch / schalmen nene vordrenke . noch na drenke hebben noch / wesen . Mer wanner dat de tit is dat men vp sluͤt . So ko=/me de iunge mit deme olden . Vnde de olde mit deme iungen //

WEret dat en dans vp ghe nomen worde tho spelende / so we dar intret de scal des speles volghen bi eneme haluen / lẏueschen punt wasses . id ene si dat hee id wedder spreke / in deme ersten vmme gange vor deme oldermanne . /

UOrtmer . So wanner dat se komet vp dat market / So scholen se nicht mer dan dre dust tho hope don / id en sẏ mit orloue des oldermannes . Vnde der wisesten / Dar vmme so se eẏn gewelik man wo dat hee in den / dans trede /

VOrtmer weret dat genichman also homodich we/re . de des oldermannes bodes tho ghuder wis nicht ach=/ten wolde . De schal beteren eẏn half lẏuesche punt wass[es] /

UOrtmer wellik man de tho schenken ghe koren wert / de scal suluen schenken bi ver marc wass(es) . edder he / scal et hebben mit orloue des oldermannes . /

UEret . dat genich man were de mit wapene hir in de / kumpanie queme . efte ene samelinge makede van binnen / vtwordes edder van buten inwordes . De scal beteren eẏn / schippunt wasses . Vnde der kumpanie to en berende . /

VOrt mer so en schal nen man eẏnen gast bidden in de / kumpanie de vmme lon denet . Bẏ eẏneme haluen lẏues=/chen punt wasses . //

SO wellik man de enen gast bringet . De scal dat / den gherdeluden witlik don . Vnde deẏt hee des nicht . Hee / schal beteren ene marc wasses . Vnde be talet hee nicht / vor sinen gast . des anderen daghes . so schal hee beteren / tweuolt . /

SO wellik man eẏn licht van deme bome nemet sun/der orlof . De schal betheren ene marc wasses . Doẏt dat / eẏn knecht . de here scal vor eme beteren . /

SO wellik man enen beker an tornighen mode to / breket . De schal beteren eẏn half lẏuesch punt wasses /

SO wellik man den anderen mit eme beker medes / gifte beres ghuͦt vor sin antlat an tornighen mode . De / schal beteren eẏn schippunt honighes . /

WEret dat eẏn man de olderlude lich nedder worpe / vp de erden . De schal beteren eẏn half lẏuesch pu(n)t wass(es) /

WEret dat eẏn man breke . Vnde vor sinen broke en / pant settede . Dat pant dat schalmen holden tho / deme neghesten drenke . Vnde loset hee des nicht to deme / neghesten drenke . So schalmen dat pant vorkopen . vn/de vnde dar van den broke beteren . Vnde is dar wat en/bouene . Dat scal hebben de ghene des dat pant sin is / UEre dat also dat eẏn man queme . vt vnser kum//panie den god gheplaghet hadde dat sin ghut nat were / worden deme schalmen vnt wiken also lange went hee dat / sine berichtet heuet. Vnde so schal hee den hof rumen /

SO wanner eẏn olderman ghe koren wert . Vnde / wedder spreket hee dat . Hee scal beteren eẏn schippunt ho/nighes . Vnde wedder spreket hee dat tho deme anderen / male . so scal hee gheuen eẏn half schippunt honighes Vn=/de wedder spreket hee dar tho deme derden male . hee scal : / betheren eẏn schippunt wasses . Vnde des ghelikes bẏ al=/len ammeten . /

SO we den gherdeluden vnlust deẏt binnen des . / dat de olderlude sitten . Biste na des dat de olderlude vp ghe/stan sint . De bethere eẏn lẏuesch punt wasses . Breket och / eẏn gast . De wert scal betheren vor ene . /

UOrtmer so scalmen nenen schenken kesen id en si / mit orloue der gherdelude bi eneme haluen lẏueschen punt / wasses . /

UEret dat genich man sin mest vustede in ernsten mo/de vp enen man binnen deme houe Vnde wert id besen . hee / scal beteren eẏn half schippunt wasses . Vnde tüt hee et vt / hee scal beteren eẏn heẏl schippunt wasses . /

SO we dar ghut vt eneme beker also vele dat hee //