Wy gherart meye vnde Egbrecht g(re)peswold Radlude tho ryge hebben ouer en . / ghe dreghen . van vnser stat weghene myt joh(ann)es Elui(n)ghe deme arnborsterere tho / dantzike in desser wyse . dat men eme scal gheuen alle jar twe mark ryges / vnde ene halue last roghen . dar tho scalme ene cleden like des stades knapen / ok scal he vrig sin van vnghelde dat vnse borgere vt gheuet alze van . wachte / vnde van schote vnde scal hebben vrighe hus hure des scal he alle jar up antworden / up dat rathus tho ryge ver guͦde bank arnborste vortm(er) scalme eme lonen dat / redelik vnde thidelik js wat he betert van olden arnborsten vnde van . notstallen / desse dingh su(n)t ghe schen tho dantzike na godes bort drutteyn hundert jar vnde / sos vnde sostich jar in dem daghe vnses heren hemmeluart in jeghenwordicheit / vnser borgere ludbrecht ostinchuzen . vnde Tymme holsten . /