Aldus ludden de breue der van Rosen de ze der stad gegeuen hadden jnvorpandinge eres haues¹ / jnder stad Rige gelegen de Erste aldus /

witlik vnde openbare sẏ allen guden luden de dessen breff seen hoͤren edder lesen dat wẏ beẏde / also woldemer van rosen ridder her otten sone van rosen vnde woldemer van ros(en) her johannes / sone van rosen knape entfangen vpgeboͤret vnde genomen hebben van deme Erbaren Rade tho Rige / anderhalffhuͦndert mark rig(esch) xxxvj schillinge lubessche pennẏnge vor de mark tho rekende de / jn vnser vnde vnser eruͦen notrofftige nuͦt gekeret vnde vͤtgelecht sin vnde hir vore so hebbe wẏ / mẏt wolberaden moͤde deme vorgescr(euen) Rade vnde der Stad tho Rige gesat vnde gelaten vnse eruͦe / vnde vnsen hoff bẏnnen der suluen Stad liggende myt aller thobehoringe also vnse Olderen dat / eruͦe vnde den hoff de hoff van rosen geheten vn(de) wẏ wente her to gehat hebben also schal de Raet / vnde Stad tho Rige dat vorgescr(euen) erue myt alle siner tho behoringe hebben vnde tho eren wullen / gantszliken sunder hindernisse vnde ane wedder sprekent gebruken wente tho der tyd dat wy effte vnse / eruͦen dat mẏt vnsen egenen propperen gelde vnde gude v(m)me alsodane vorgescreue(ne) Su(m)men geldes / wedder loͤsen willen vnde moͤgen , vnde so wes de Raet vn(de) Stad tho Rige dar ane vorbuwet vnde thor / beteringe utlecht dat schoͤle wij offte vnse eruen schoͤlent deme Rade vn(de) der Stad voͤrgescr(euen) mẏt deme / hoͤuetst(o)le² des geldes vorbenoͤmet deger vn(de) alle tho wullen wol betalen vn(de) tho gantser genoge utrichten / ere wij dat erue wedder antasten Sunder weddersprekent vnde ane alle argelist demen denken scriuen off / spreken mach Jnene openbare bekentnisse vn(de) warafftige orkuͦnde desser vorgescreue(n) dinge ze gantsz / vnde war tho holdende So hebbe wij beide also woldemer Ritter vn(de) woldemer knape van rosen gehete(n) / vnse Jngeszegele vor vns vn(de) vnse eruen myt gantszer witschop vor dessen breff gehangen laten / de gegeuen is jndeme jare na godes bort dusent drehundert jar jndeme vervndenegentigesten jare / verteynacht vor dem asschedaghe ,