Vortm(er) so heft de Raet hern Lubberte wittenborge kindes / kinde to eruende vn(de) in borg(er)rechte tobliue(n)de gedan een / kleyne Ruem ghelegen ou(er) der dune benedden des hilgen=/geestes lande vnder deme berghe hen wente in den / zijpgrauen , de an hern Lubberts grote(n) Rume van dem / heitberge ter pele wart dael gheit , vn(de) benedden des / hilgengesteslande van dem berge dael wente in den / groten grauen bi der hoghede wedder gheit in den zijp=/grauen an me groten Rume , Jodoch also dat de winter/wech twisschen den beiden Rumen ligghende vry vnde / vmbeku(m)mert schal bliuen , van deme sulue(n) kleynen / rume schalmen der stad gheue(n) alle iaer een loet pe(n)n=/nynge ewighes tynses