Vnsen vruntliken grout to voren leue(n) vru(n)de wetet , dat , de namestenik to ploskouwe / vn(de) de ploskouwers van heyte eres heren vytoiten ene(n) bref ghe zant hebben an den / ku(m)tur to duneborch vn(de) de quam eme dar des mitwekens na twelften daghe nu / neghest , vorghan vn(de) hebbe(n) dar jnne den kop vrede laten vp segghen alzo van deme / vor ghe scr(euen) middeweke(n) vor ouer iiij weken jo vt to sinde vn(de) de vor ghe scr(euen) / bref quam to rig(e) vor vns nu des mandaghes na deme zulue(n) middeweken vor ghe / scr(euen) vppe desse zulue(n) sake vn(de) vpseghinghe dunket vns nutte vn(de) gut sin dat malk / bynne(n) dessen iiij weken sin gut van ploskouwe schicke vn(de) bringhe wes he van denne / schicken vn(de) bringhe(n) moghe jo mit den erste(n) jodoch boue(n) al zo prouet juwe / fuͦnfte (?) hir mede moghet wol in gode ghescr(euen) des mandaghes na den viij daghe(n) / na twelften /