De lyuen van me kercholme gheuen der stad tho der Ryghe den / derden del . van alle deme wasse vn(de) van alle deme ho(n)nighe dat / van alle den ho(n)nich bømen velt . de binnen desser na be screuen / therme stan . alse . van deme valle tho Romele de dvne nedder / wente an den therme tho blomendal . vn(de) vort van blomendale . went / in den wech de van blomendale tho der nẏen molen werc gheit / Deme weghe scal men volghen wenthe tho ener brugke de ouer / dat water gheit . dat de molen drẏuet hir vor der stad. vn(de) / vort van der brugken . in dat neẏste brugh . vort dor . wente an / de Eluerikesbeke . vn(de) de Eluerikesbeke vort nedder . wente in / den Rodenpoẏser . se . vn(de) de se . vort vmme . wente tho dem putker / mu(n)de . vn(de) den putkermu(n)de vp . wente bouen der heren damp . / an de schedinghe . de twischen den heren . vn(de) vnses stades marke / is . vn(de) na der seluen schedinghe vort . wente wedder an den val / tho Romele . vn(de) desse biuen¹ scholn des ho(n)nighes nicht stighen / de stad en hebbe ere boden dar mede . vn(de) dit sint ere merke . van den benomeden bomen . ²