Wy Borgermeistere vnd Radmanne der Stad Rige bekennen vnd betugen / openbar In vnd mit dessem breue dat An vnse yegenwordicheit gekomen ys mark=/qwart Schele vnsir Stad medeburger openbarlike bekenne(n)de vnd seggende / dat he vnd sine eruen recht vnd redeliken vorkofft hebben den ersame(n) vormu(n)=/deren margreten der olden klockengeterschen vicarie in der domkerken belegen / Als mit namen her Johan vpdem orde Albert(us) Bodebusche vnd Berd hermans / vnd eren nakomelingen in der vormunderscop to der sylue(n) vicarie behoeff negen / fferdinge Rigesch nies geldes Jarliker Renthe vor Achtevndertigeste halue mark / Rigesch dessylue(n) nien pagime(n)t(es) als genge vnd geue ys in liefflande in dage / Jare gyffte desses breues ,, der eyn[...]slik vorg(enante) getalde mark An sijk hefft vnd / hebben sall Seuen loͤt lodig(es) syluers ,, Jn vnd vp sin husz belegen in der kalk / Strate tusschen hans van Anderen vnd Nicla(wes) miszeuers huseren , de Renthe / vorgescreu(en) edder de werde dar van alle Jare uthtorichte(n)de vnd tobetalende up dat / ffest paschen su(n)der vortogh ,, Behalden dach markquard Schelen vnd sinen / erue(n) edder den rechte(n) besitters des vorg(escreuenen) huses intokompden tiden vullemacht vnd / moge de vorg(enante) Renthe vor den vorben(omeden) houetsu(m)me edder de werde dar van up / dat vorg(escreuene) ffest paschen wedderafftokope(n)de wenner en dat behaget vnd al der / best vellich ys su(n)der yemand(es) weddersprekent ,, desses in eyne ware tuchnisse / ys vnsir Stad Jngesegel vndir An dessen breeff gehangen de Gegeue(n) vnd / gescre(ue)n ys na (cristi) vnses heren gebord dusent veerhu(n)dert in dem eynvndverti-/gesten Jare des vrydages vor palmen