Wje Bruder Heidenrick vincke von Ouerberch Meister duͤtsches Ordens to liefflande bekennen vnd betugen openbar / in dusseme breue dat wie mit Rade vnd uolbort vnser ersamen medegebediger hennicken vnd vilmas ge=/bruder(e)n pitke Janen Sonen vnd all eren rechten waren eruen samentlicken gegeuen vnd vorlenet hebben vnd / mit craft dusses breues geuen vnd uorlenen eynen haken land(es) vnd eẏn verndeell als en dat alsampt von Mer=/ten memen erem vedder(e)n angestoruen vnd in der veltmarcke to wallencuͮlle in der Boͤrchsokynge to kercholm / belegen is mit allerleÿ tobehoringe mith vnd beqwemicheit wo de genomet sien efte mogen genomet w(er)den / vnd wor hennicke vnd vilmas vorbenu(m)pt mit all eren rechten waren eruen mogen recht tohebben nichtisz / nicht buten bescheiden vnd in aller maten als sodane hake land(es) vnd dat verndeell mit all sienen tobehoͤ=/ringen vorberurt upp dussyt vnd nicht upp Jensÿt der dwnen¹ von oldinges heer allirfriest² vnd touor(e)n von / Merten memen gehatt beseten gebrukt vnd in sienen schedẏngen belegen sient vort tohebbend(e) tobesitte(n)d(e) / tobruckend(e) vnd tobeholdend(e) frei vnd fredesamlicken na lẏuesschem rechte to ewigen tiden Also dach dat / hennicke vnd vilmas vorb(e)n(ant) mit all eren rechten waren eruen sullen vnd mogen allenigen der honich/weiden upp dussyt vnd upp jensÿt der dwnen gebruken na vthwisinge erer olden breue doroͤuer gegeuen / to ewigen tiden des tor Orkunde vnd tor tuͤchnisse der warheit So hebben wie vnse jngesegell an / dussen breff laten hangen . de gegeben ist vpp vnsem Slote kerckholm Am donnerdage Johan(n)is / ante portam latinam Jn den Jar(e) nach Cristi geburt dusend veerhund(er)t vnd darna [...]³