Wÿ Broder Johan van mengede anders genant osthoff meister dutsches ordens to lyfflande Bekennen vnde / betugen openbar in dussem(e) openen breue dat wÿ mit Rade vnde volbort vnser ersamen medegebediger / v(m)me hennÿken vnde wilhelm pittekelauen eres truwen denstes willen den se vns vnde vnsem(e) orden ge=/dan hebben vnde noch vortan don mogen katherinen vnde Barbaren wilhelm pittekelauen vorgeruret / synen dochter vnde allen eren rechten war(e)n eruen van sunderlinger gunst wegen samptliken Gegeuen vnde / vorlenet hebben vnde in [c]rafft dusses breues samptliken geuen vnde vorlenen vÿff haken landes in der / Borchsokinge vnde kerspele to kercholme vnde in sodanen schedingen belegen [...] de hennyke vnde wilhelm twe Broder(e) vorgemeldet suslange beseten vnde der na vthwisinge erer breue ge[bru]ket hebben , mit allerleyge to=/behoringe nutte vnde [...]wnnicheit¹ wo de benomet syn ader benomet mogen werden als an acker(e)n / gerodet vnde vngerodet hoÿslagen wesen weyden vederssten holtingen buten woͤlden birszen broken / water(e)n beken sypen honichbomen honichweyden vysscheryen voghelyen , vnde war Katherina vnde / Barbara wilhelms dochter vorgerurt vnde alle ere rechten war(e)n eren mogen recht to hebben nichtesz / nicht buten bescheyden na hennyken vnde wilhelms dode vort tohebbende [to]besittende tobrukende vnde tho=/beholdende fry vnde vredesamichliken na sulker vrÿheit vnde rechte als hennÿke vnde wilhelm de thouor(e)n / gehat hebben to ewÿgen tÿden Jodoch also beschedeliken dat se vns vnsen nakomelingen vnde vnsem(e) orden / jarliken van eynem(e) j[o]weliken haken eÿnen Tynszlop Roggen geuen v[nd] vthrichten sullen Eyn Idtlick / lop sall seuen kulmet holden Des tor orkonde vnde tor tuchnisse der warheit so hebben wy vnse Ingese/gell vndene an dussen breff laten hangen De ghegeuen is to kercholme am(me) auende andree ap(osto)li In den / Jar(e)n na Cristi gebort dusent veerhundert vnde dar na in dem(e) seuenvndevefftigesten