Wij Borghermeistere vnde Raedmann(e) der Stadt Rijghe Bekennen vor allen de / dussen Breff zehen , hor(e)n edder lesen jnn(e) vnde mit dussem(e) vnsem(e) open(e)n / Breuͮe opembar bethugende , dat hans Stoepp vnse Borgher vor vns hefft mu(n)tlik(e)n / gesecht vnde vor sick vnde sine eruͮe opembar bekandt , dat hee recht vnde / redeliken vorkofft heuet der Tafellgilde jm(me) groten Gildestouͮenn bẏnnen / vnser Stadt Rijghe sesz olde m(a)rk rig(esch) iarliker renthe vor hundert m(a)r(k) rig(esch) / dessuluigen olden pagiment(es) alse jnn(e) giffte dusses Breues jnn(e) lyfflande genge / vnde geue sin jnn(e) vnde upp(e) zin husz mit der tobehoringhe jnn(e) der Schostrate(n) / belegen hart an(ne) Clauwsz micheelsz dar nuw tor tijdt de Rugghebeensche / jnn(e) wonet de Renthe vorgeschre(ue)n effte de weerde dar van alle iar uth / to richtende vnde to betalende upp(e) dat ffest Sancti Michaelis des ertzengels / sunder lengher vortogh Beholden doch dem(e) bouengedachten hanse Stoepp / vnde sinen rechten eruen effte den rechten besitters des vorgerorden huses / jnn(e) tokomenden tiiden gantcze vrẏe vnde vullemacht de vorschre(ue)n Renthe / vor den vorbenom(eden) houetsum(m)en wedder afftokopende vnde to losende wanner / en(e) dat allerbest euen isz vnde gantcz wol beqweme sunder ymandes / weddersprekent , des tor tuchnisse vnde orkunde der warheit is vnser / Stadt jngesegell witliken angehangen benedden an(ne) dussen Breff de geuen / is vnde geschre(ue)n jnn(e) den jaren vnses heren dusentveerhundert vnde / [jnn(e) deme ... vndenegentigesten]¹ jare am(me) auende Sancti Galli [...]