Wÿe Borgermeister(e) Radtmann(e) vnnd(e) gansze gemenheÿt der Stat Rige doͤn kunt bekenne(n) vnd(e) botugen(n) apenbar(e) yn vnd(e) mydt / dusszem(m) vnszem(e) apenem(m) vorsegeldem(m) Breue vor vns vnsze Nakomelinge vnd(e) voralsweme dat wy in vnszen(e) swaren bo/lasti(n)gen vns van dem(e) Orden Jn lÿflande vnrechtüerdichliken(e) angebracht , angeropen(n) vnd(e) mÿt vnszem(e) vru(n)tlikem(m) / bogherten(n) vornoget hebb(e)n denn¹ werdig(e)n vnd(e) wolgelerden(n) Erszamen(n) Mann(e) M(a)g(ist)r(u)m Johanne(m) prangen vnse(n) Secreta-/riu(s) vnd(e) p(er)cu(n)atore(m) Sindicu(m) vnd(e) gud(e)n vrunt , he Imme² heue to Rome vnse appellacien In sinneren(n) wille so velem / eme ÿs , vnd(e) he Immer beste kan(n) , des wy eme gans vn(de) wol to truwen(n) Ock vnse saken(n) wo de denn(e) gewant mog(e)n / szÿn edder werd(e)n tom(e) besten wille vorvorderen(n) vpp(e) vnse kost vnd(e) theringe Daru(m)me vn(de) hir vor hebbe wÿ szyner / lene to gesecht vorheten(n) vnd(e) gelauet to geuende vor eyn yarlanck veerhundert m(a)rck Rig(esch) vnses pagime(n)t(es) sunder Ie-/nich vortoch , vnde eft sick de reÿse lengerden eÿn yar(e) vorlepe scal daru(m)me soesz ofte theyn weken(n) nicht to kamen(n) / Myt dusszem(e) loue scal oft wil he vns nicht hoger dreng(e)n oft beswer(e)n , beszunder(en) darmede eyn vru(n)tlick benoghet(e) / wille hebben(n) , vnd(e) willen(n) ock vns alletit myt en ander(e)n vruntlick hebben(n) hold(e)n vnd(e) vordreg(e)n alszo dat he vns / vnd(e) wÿ em(e) altousz vruntlik(e)n vnde leflik(e)n willen(n) bedancken(n) , Dusszes tor(e) Orkunde der warheit vnd(e) merer / beuestinge hebbe wy vnszer Stat groteste Ingesegell myt rechtem(e) Betende vnder an dusszem(e) breff laten(n) hange(n) de / Gegeue(n) vnd(e) gescreuen(n) ÿs Na cristj gebort vnses her(e)n dusentveerhundert dar(e)na Indeme achtevndeachtigestem(e) yar(e) / In Rige Am(e) auende philippj vn(de) Iacobj B(ea)torum ap(osto)lorum