De Radt hefft entfange(n) van deme Ersame(n) h(eren) Johann kampp/husen enhundert marck Rigessch de vort jn der Stad beste / vnd(e) profit jn der huldinghe beyder her(e)nn wurden gelecht / dat vor sodan(ne) hundert marck hefft de Ersame Rad h(eren) Joha(n) / vorbon(omed) vnd(e) siner Ersame(n) vrouwe(n) kattrine(n) to erer beyder / leue(n)de dat rum tussche(n) der swineporte(n) vnd(e) rikeporten / bolegen gegunt dar vpp to richtende vnd(e) settende ene / schune vnd(e) de vort to eren beyden dagen to ereme schonste(n) / to bruke(n)de edder to vorhure(n)de , wen ouerst dusse vorben(omeden) / beyden jn God den her(e)nn sin vorstorue(n) szo schal sodan(ne) / stede myt der anlage vnd(e) der vpp gebuweden schune(n) / quid vnd(e) vrig deger vnd(e) gans by de Stad wedder / komen vnd(e) der jn renten szo des Rades breff dar / vpp gemaket widder jnholt Act(a) su(n)t hec anno / d(o)m(ini) (et cetera) xcij des vrigdages jn der octaue(n) Epiphania / d(o)m(ini)