Ick M(a)g(iste)r wennemarus mey Cl(er)icus vnd(e) Intogelinck des stichtes vnd(e) der Stad Rige bekenne in dusser myner egenen vorsegelden / hantscrifft vor my vnd(e) myne(n) negesten eruen warliken tugende dat ik an Redeme ouergetalden gelde to fuller noghe van deme / Ersamen Rade tho Rige mynenn guestigen leue(n) heren gunren vnd(e) guden vrunden vnder ener betalinge vor mynn gelouede / sallarne entfangen hebbe lx golden Rinessche gulden Alsze de Ersame(n) heren Reynolt hodde vnd(e) kersten herberdes van des erbouen / Ersame(n) Rades wegen myt my syn ouer en gekame(n) by guden vasten sekeren vnvorbroken louen In krafft vnd(e) macht dusser / myner egene(n) vorgesegelden hantscrifft vnd(e) quita(n)cien loue(n)de In nene(n) tokome(n)den thiden dorch my myne frunde effte ander / p(er)sone(n) edder myn bestellent den vorgescr(euen) Ersame(n) Rad offte Stad hoger to drengende effte nodege(n)de sunder vruntliken vnd(e) / denstliken bedankende Quitere vrigscholde vnd(e) to ene(m)me ganssem fullen ende gansliken vorlate In macht dusser myn(er) ege/nen vorselgelden quitancie(n) den Ersame(n) mergesten (?) Rad vnd(e) Stad aller Insaghe vnd(e) tosprake des sallarij vnd(e) aller misslate(n) (?) sen/debreue(n) vnd(e) gelofftes welker ik en en myd eren anderen breue(n) der stad andropende grot vnd(e) klen vorsegelt vnvorsegelt / by my to truwer hant gelaten wyl myd den ersten so id my allerbest steden mach by erer kost tor hant schickken Vnde / dit alle vnvorbroken sunder alle orgelist nye funde edder absolucie(n) vnd(e) ane alle geferde to holdende . In tuchnisse der war/heyt alle boue(n)gescr(euen) puncte arti[cele] vnd(e) stuckke hebbe ik dusse myne quitancien myd myner egene(n) hant gescreue(n) vnd(e) / myd mynes vaders segel sed[...] [...] vorsegelt gegeue(n) vnd(e) gescr(euen) to Rige Na (cristi) gebort vnses heren 1493 / (septimo ?) die beat[i] bartholomei Ap(osto)li /