MEyster to liff Lande /

Vnnsenn ffruntlickenn grüth vnnd alle gudt stetestouornn Ersamenn wolwysenn vnnd vorsichtig(e)nn / Jmbesunder Leuenn getruwe Se gie vns denne schryüe(n) alsz dath de koppmann vppe der müsz / Juw schrifftlick beualet hebbe , de kumptur(e) tor(e) mystow enn er(e) gudt nicht will aff bring(e)nn laten / Sünder he szee edder hebbe der(e) halüen vnse breüe entfang(e)nn , welke vppholdinge offte toüinge deme / koppman swarenn schadenn teringe kost vnnd vngelt Jnbringenn solle [...] Aldus Leuen getruwe / kann woll dickenne Juwer allir Ersamh(ei)t ensodann(e) dem(e) kümptur nicht stünde to donde idt / were denne vnse wille vnnd wie em(e) geschreue(n) hedden ock dar(e) neyn(e) schult mid hefft / sunder de v(or)sümenisse ann Juw gewest is Begernn Hiru(m)me¹ gie dem(e) kumptur(e) dar(e) nicht / willenn ann v(or)denckenn , vnnd hebb(e)nn eme nü geschreue(n) he dem(e) koppman(n) wes Se dar / hebb(e)nn kleynn vnnd groth sall volgenn latenn welke gie dem(e) koppma(n)ne v(or)witlickenn / mog(e)nn mith dem(e) bestenn sick woll [ynne]² werenn to hebbende Juwe Ersame v(or)sichtichede(n) / de wie gade beuelenn gegeue(n) to wend(eborch ?) am(e) Sondage Judica Jm(e) (et cetera) xciijnt(en) /