Vnnsenn vruntlickenn Groth vnnd wath wy gudes vormogenn Stedes Thouornn Ersamen vorsichtigenn / walwysen leuen vnd(e) guden vrunde , So wy denne am(me) latesten Jwen Ersamheydenn Tho Jrken(n)en geuenn / Dath wy van vnsem houethmanne thor mytow vnderrichtet wernn Jwer Ersamheyde Burn vnd(e) vnder/sathen vpp dem Babethe ouertastinge deden Jnn vnse Gebede , So gedencke wy Gode helppende vpp dem(e)¹ / Sondach na Bartholomei thokomende aldar vpp der Grensse tho Synde [eder de vnse dar / henne sendenn]² vnd(e) alle Schelhafftige Sake / tho beseende , Begernn hir vm(me) vruntlickenn Jw Ersamheyde de ere vnd(e) ern Lanthsseger vpp de zeluenn / Tyth dar henne schickenn , dede Breue vnd(e) bewysz myth sick bringenn wor Jw Ersamheyde Sodann(e) / Grense mede vordedingenn willenn wor denne Recht tho hebben Jw Ersamheyde dar will wy Se by / lathen vnd(e) nicht van dringen dem gelyken wor wy Recht tho hebbenn dar wyll wy vngedrungenn / van Syn , So dath wall Jrkennen konen Jw Ersamheyd(e) Gode Tho allen Tydenn Salichlickenn / [b(e)ffol(e)nn] Geg(e)u(e)n Tho duͮnemu(n)dena(m) (?) am ffrydag(e) na aduinc[u]la Sanctj petri anno (et cetera) xcvij /

Wi (?) Hinrick vann der Brugge / Lannthmarschalk Tho lieffland(e) / Dwtschs Ordennsz