Diderick gire vnd(e) Jurgenn Koni(n)gh fulmechtighe vnd(e) bostedigede / vormu(n)der(e) van deme Rade saligen kersten hauerswenk Testame(n)t(arie) / vor deme Ersamen sittende Rade hebben vpgelaten , ladewich / german en stenhusz achter der swarten mo(n)nichen Chore tusschen / der van Tiszenhusen vnd(e) Sunte peters huse(re)n bolegen(n) Erfflik / to besittende Act(a) su(n)t hec sub anno d(o)m(inini)ce salut(atis) 1497 a(m)me / vrigdage na dyonisij /

her Reynolt hodde vor deme Ersamenn sittende Rade hefft / vpgelaten(n) ladewich german enen garden by der risinghe tegen / deme resen stauen tussche(n) saligen h(eren) lambrecht hulsschers vnd(e) / her Johann(e) schoni(n)ges garden bolegen Erfflik to besittende / Act(a) sunt hec sub anno d(o)m(inini)ce salut(atis) 1497 a(m)me vrigdage / na dyonisij //

Her magister Tillema(n)nus knake prester vor deme Ersamenn / sittende Rade hefft vp gelaten hans stocker en [ort]husz¹ mit siner / to behoringhe jn der marstalstraten tusschen willem Cutle / beken vnd(e) peter hoppen huseren bolegen vnd(e) enen garden / buten der kalkporten achter deme gerhuse tusschen pauwel / sagers vnd(e) clauwes sassnickhusz garderen bo[le]gen² vnd(e) / twe hoysleghe ouer dune na deme bullensschen wege / bolegen by lasespeck de ander vp der beuerbeke gren/sende an Bert hulsschers lantgut Erfflik to besittende / Act(a) su(n)t hec sub a(n)no d(o)m(inini)ce salut(atis) 1497 a(m)me vrig/dage na dionisij /

her diderek metzler vor deme Ersamen sittende Rade hefft vp / gelaten deme boscheden(en) ma(n)ne hans Schroder siner dochte[r] ma(n)ne / twe stenhuse mit eren tobehoringhe mit deme haue dar achter / na der Stadt muren jn deme ellenbroke bolegen dar de perde / mole plach to stande Erfflik to besittende Act(a) su(n)t hec sub / anno d(o)m(inini)ce salut(atis) 1498 an deme dunredage vor Remi(ni)scere //