Wie Borgermeystere vnd(e) Radtman(n) der Stadt Riga Bokenne(n) vnd(e) betuge(n) apenbar(e) Jnkrafft vnde / macht dusser vnser(er) apen(en) vtgnesneden¹ certen . dat wy vns gans fruntlik vnd(e) lefflik vordragen / hebben midt deme boscheden(en) manne , hans francken van Ritsingen vt deme lande to francken / ene midt enem(e) Jungen van dage dat(um) duss(er) certen vp gename(n) vns vnd vns(er) Stadt vor enen / Capteyne(n) bet tho deme negest(en) tokomenden hilligen(e) passche(n) Anno d(o)m(ini) 1503 to denende , vns / vnd(e) vns(er) Stadt buten vnd(e) bynnen landes truw vnd(e) holt to water vnd(e) to lande szo he dar vor / eder hefft to finde , dar vor wẏ deme erba(re)n boscheden(en) hans franken , ens vor alle van der / bostemmed(en) tidt vnd(e) dat(um) dusses breuͮes an bet vp den tokomend(en) hilligen vorberord(en) passchen / by vrẏer kost vor sine persone(n) vnd(e) Jungen , enhundert mark Rigesch , den Junge(n) sal he / suluest lonen . ouerst de kost sal de Radt besorge(n) midt dussem(e) vorscr(euen) lone wil he vnd(e) schal / en gans benogent hebbe(n) , to ker(e)nn vnd(e) geue(n) wille(n) , Duss(es) allen to loue(n) sin duss(e) cedele / twe en vt der ande(re)n gesneden vnder den bockstaue(n) a . b . c . d Gegeue(n) vnd(e) Scr(euen) Jn / Riga a(m)me mandaghe jn der octaue(n) Corp(or)is Cristj Sub Anno [...] salut(am) veffteynhundert / vnd(e) twe /