Wy radma(ne) der oldenstad thuͦ soltw(edel) be ken(n)e(n) vnde betughe(n) / in desse bryfe . mid rade vser olde(sten) vnde mit wuͦlbort vser / gyldemest(er) vnde vs(er) meyne(n) borge(re) dat wy wille(n) helpe(n)¹ vse(n) iode(n) / helpe(n) vnde vordedinghe thuͦ alle ere(n) node(n) su(n)der weder vse(n) / here(n) behuuende(n) sy ok vser by vse(n) here(n) so wille wy² en helpe(n) / vppe ere kost wes wy moghe(n) Vppe desse dedinghe sette wy / de iode(n) in ere vse³ erue , dar scole(n) sy vs vor gheue(n) tho tynse alle / Jar thuͦ wynachte(n) ses mark b(ra)ndeburghes suluers vnde / ses mark⁴ thuͦ su(n)te Johannes daghe midde(n) somer ses mark / b(ra)ndeborghes suluers , Desse(n) tyns scole wy nicht vor Haghe(n) / ok scole(n) de iode(n) ene vs nicht mi(n)ren hir mede scole(n) sy / vry wese vor scoht vor wake vor yse(n)d vor kost(e)lon vnde / vor allerleẏe plicht(e) der vs vse borgere plichtich sin ok / scole wy desse(n) tins nicht vor kope(n) eder vorsette(n) were ok / dat de huͦs thuͦ breke eder en⁵ thuͦ velle(n) . dat scolde wy weder / be richte(n) late(n) mid vse(n) pen(n)ighe(n) , were ok dat en k(er)ste(n) mẏ(n)sche wille / ene(n) iode(n) besculdeghe(n) wolde dat scal he don vor d(er) iode(n) scole(n) dar scole⁶ / wy vnde de voghet de Jode helpe(n) dat em rechte schy we(re)⁷ ok dat en / k(e)rste ma(n) ene(n) jode dotslughe eder w(u)ndede so scole(n) de Jode(n) de(n) hand / dedeghe(n) beholde(n) we(n)te an vs so wille wy⁸ de(n) iode(n) helpe(n) dat em rechte / schy we(re) ok dat gemant wolde b(or)ghede in deme Jode(n)dorpe so wille / wy auer de(n) Jode(n) helpe(n) dat eme rechte schy . We(re) ok dat en Jode in / vser stad erue bute(n) deme Jode(n) dorpe wone(n) wolde dar scole wy / thuͦ helpe(n) mit den iode(n)⁹ dat des nicht schy Vppe dat dat desse / vorghescr(e)ue(n) ding stede vnde gans w(er)de(n) hebbe wy desse(n) bryf / besegheld mit vser stad ingheseghel Ghegheue(n) na godes / bort druthenhu(n)dert jar in deme neghe(n) vnde virtheste(n) / Jare in su(n)te Jurges daghe des hilghe(n) merterres /