Ik Ghereke kerkow knape bekenne openbare vnde betughe in desme bryue Dat ik hebbe vorkoft vnd(e) ghelate(n) / vnde vorkope vnde late in desme Jeghe(n)wardeghen bryue , Den wisen luden Clawese godschalkes . vnde arnde kle=/tzeken Ghyldemesteren Der wandscnider ghylde to soltwedel In deme Dorpe to kerkow den schulten mit / alme rechte vnde teeyn schillinghe brandeborghescher penni(n)ghe alle Jar to su(n)te martins daghe vt sime houe / vnde den verdendel des Kerklenes , vnde des richtes beyde des hoghesten vnde des sidesten vppe der strate(n) / in velde . in holte . in watere . in weyde . in wissche . in ackere . gheeret vnde vngheeret In Heyno berndes houe / ses Soltwedelsche pen(n)i(n)ghe . vnde twe brandeborghesche peni(n)ghe vnde den sesten del des tegheden In Herman mol=/ners houe achte brandeborghesche peni(n)ghe , vnde ses soltw(edelsche) pen(n)i(n)ghe , Den Dynest van ener , houe , vnde den haluen / tegheden , to der nuͦth vnde der hand der vorghenumeden wandscnider ghylde ewechliken to besittende su(n)der / aller leẏe hinder vnde ansprake vppe dat dat desse vorscreuen dingh Stede vnde gans gheholden werden so / hebbe ik dessen bryf besegheled to ener groteren betughinghe mit myme ingheseghele Ghegheue(n) na godes / bord drytheynhundert jar In deme vyfteghesten Jare in su(n)te dyonisius Daghe /