Wiͤ thomas prouest . Johannes p(ri)or . vnd di hele couent des closteres to deme hilghen gheste . vor der stat / to Saltwedel . bekennen witleken . dat wiͤ hebben laten . vnd laten in desseme bryͤue . den wisen luͦden . / den . . Ratmanne(n) der Olden stat to Saltwedel . vnd eren meynen borgheren . dat water . van der mol/ne an . de vor der borch lit . binnen der Olden stat . vmme de borch . vnd vmme de stat . bet vor dat nyge / dor . wente in den vlote vif roͮden lang . to metende van der stat walle . an . vpwart wente in den vlote . / also dat islich roͮde scal hebben sesteyn roͮte in de lenghe . Dit water hebbe wiͤ en ghe laten . met al/leme eyghen . nut . vnd rechtecheyt . also wiͤ dat beseten hebben . also dat de molner vor der borch . / syn moͮllenrecht beholde . To eyner bekantnisse desser Ding . hebbe wiͤ vses Couentes Ingheseghel . / an dessen bryͤf ghe henghet . de gheuen . vnd screuen is . na godes bort . druͦtteynhundert iar . in deme / vervndsesteghesten iare . In Suͦnte Kylianus daghe /