Wẏ Rathman inder nẏenstat To Soltwedel . . Bekennen openbare / in desme Brẏfe dat wẏ scuͦllen dẏ Breͤde dẏ dar stan Bẏ / deme p(er)wer dore Twẏschen der alden stat water vnde / der nẏenstat water Betheren vnde maken wedder wen / sẏ vor ghan . also dat dẏ Rathman vͦt der alden stat nenen / scaden en nemen an eren vẏschen edder an erer vẏscherẏe / To eẏner Bethūghinghe so hebbe wẏ vnser stat inghese/gel ghe hanghen an dessen Brẏf dẏ ghegheue(n) is na godes / Bort dusent Jar drẏ huͮndert Jar indeme vir vn(de) sestigesten Jare / in Suͮnthe marien magdalenen Daghe /