Wie Gyso Tuͦrysse Thyd(erik) Gartze . hans wẏtte . Coppe Bruͮnowe Heẏne wẏstede . hans Latekope Bẏcke rademẏn . Pet(er) Luͮcstede / Thẏd(erik) Brewẏsse . hans thuͦden . Le(m)mek(e) Ost(er)buͦrch . vnd(e) hans vẏske . Ratmanne der alden stat tuͦ saltwedel Bekennen vnd(e) / Betuͦghen ope(n)bare In dessem Briue . Dat wie mẏt rade . vnd(e) vulbort vser Oldesten vnd(e) vns(er) wysesten . sẏnt eẏndrechtẏch / gheworden . mẏt Den wẏsen Luͦden den Ratmannen der nẏen stat tuͦ saltwedel(e) . Eẏnen Berchfrede(n) tuͦbuͦwe(n)de . vnd(e) tuͦ / settende vor den vort tuͦ Luͦbbowe . vnd(e) wat dye Berchfrede kost(et) tuͦbuͦwe(n)de . tuͦ sette(n)de . tuͦ beternde . vnd(e) tuͦholde(n)de dat scol/le wie vnd(e) wȳllen half vtlegken vnd(e) Bekosteghen vnd(e) dye andern helfte scollen sye dye Ratmanne der nyer stat tuͦ saltwedel / vorbenuͦm(et) . vtlegken vnd(e) Betalen . we(re)t ok dat dye ẏenne die den Berchfrede buarede(n)¹ vnd(e) van vser vnd(e) van Erer we/ghene en Inne hedden . schaden dar van edder dar vpp(e) nemen . Des god nẏcht en wylle . den schade(n) scholde wye half leghern / vnd(e) dye Ratmanne der vorbenuͦmede(n) nẏen stat tuͦ saltwedel(e) . scholde(n) die andern helfte des schaden leghern Neẏmen sie ok / vromen . Dye ẏenne Dye dessen Berchfrede(n) Inne hedde(n) . Des vrome(n) helfte scholde wye . vnd(e) sie Dye andern helfte vpborn , / Vortm(er) tuͦ den kosten dessen Berchfrede tuͦholde(n)de . schalme nemen pe(n)nynghe . van dem vee vnd(e) queke vnser Borghe(r) beẏder / stede tuͦ saltwedel(e) alse hẏr na Bescreue(n) steẏt alse van ẏewelker ko vẏr pe(n)nyngh(e) Dye werde sunderlẏgke(n) gehuͮdet / edder . syc ga vor dem herden . van ẏewelkem perde ses pennynghe . dat ẏarẏch is . vnd(e) der weẏde ouer dem nyen weghe / edder vor dem nẏen weghe bruͦk(et) . Van ẏewelkem(e) swẏne eyne(n) pennẏngk dat der weyde Bruͮk(et) Des gelẏk van den / schapen . van ẏewelkem schape eyne(n) pennẏngh Dat der weyde bruͮk(et) . Vnd(e) ẏewelkem(en) fuder houwes eẏne(n) pe(n)nẏngk dat vppe / den wẏsschen die ouer dem nẏen weghe lẏgken ghewu(n)nen wert . Vortm(er) dye ẏenne die den Berchfrede buaren² Dyͦ scol/len achtink dar vp hebbe(n) ẏft yem(ent) meẏgede vnd(e) Begrasede der stat weẏde ouer dem nẏen weghe vnd(e) holt houwe / In dem meẏnen holte . ouer de(m) nẏen weghe . sunder orlof . den scollen sye pande(n) alse den die sic meẏgede vnd(e) Begra/sede³ der stat weyde ouer de(n) nẏen weghe . scolle(n) sie panden . vor twe schẏlly(n)gh(e) Vn(de) den die sie holt houwe . edder ghe/houwe(n) hedde(n) In de(n) meẏne(n) holte ouer de(n) nẏen wegh(e) . su(n)der orlof . scholde(n) sye pande(n) vor vẏr schylli(n)gh(e) . vnd(e) desse bro/ke schalme nemen sunder gnade . vnd(e) me schal dye hebbe(n) . mẏt dem ghelde van dem queke . vnd(e) van de(m) houwe tuͦ / den kosten den berchfrede tuͦholde(n)de . vnd(e) tuͦbeternde . vnd(e) wes hir ane entbreke dat me mer ut scholde gheue(n) tuͦ de(n) / kosten des berchfrede . dar scolde wie Dye helfte van tuͦbuͮten . vnd(e) sie die Ratmanne der nẏen stat tuͦ saltwedel / Die andern helfte Wurde dar auer wes ouer dat sculde me ok In der mathe holden . also dat wie denne des dye / helfte vnd(e) sie dye andern helfte vpneme(n) scholde(n) Ok schalme dar twe Ratmanne tuͦ settende(n) alse eẏnen vt vser stat / vnd(e) Eynen erer stat . Dye dẏt ghelt vp neme(n) . vnd(e) dar mede tuͦghen schollen(en) wes me tuͦ dem Berchfrede vnd(e) dar / vpp(e) Bedarp . Vortm(er) schalme jo . Eynen Ratman Dye van vser . edder van erer stat sye dar tuͦ schẏgken . vnd(e) hebbe(n) / Dye den Berchfrede v(or)sta vnd(e) Buare² vẏr wekene . also dat wye dar Eẏnen tuͦ schẏgke(n) die en Inne hebbe . vnd(e) bua/re² . Dye Ersten vẏr wekene vnd(e) sie eẏne(n) die en dar neghest vẏr wekene buare² vnd(e) also vort den berchfrede tuͦholde(n)de / vnd(e) tuͦbuare(n)de ? alle(n) dye tẏt . Dye wie en dar hebbe(n) . vnd(e) holde(n) wẏlle(n) Vortm(er) v(m)me dye broke In de(n) Essche(n) holte / vnd(e) In Eẏke(n) holte vnd(e) In dem heẏn holte . Schalme holde(n) alse die van Oldinghes gheholde(n) sint . In Eẏne betuͦch/nẏsse Desser Dẏnk . is vs(er) vorbenū(m)mede(n) stat Ingheseghel . ghehanghen In dessen Brẏf Gegheuen . Na godes ge/bort Dusent Jar Drye hu(n)dert . Jar Dar na In dem Drye vnd(e) seue(n)stengheste(n) Jare des manen Daghes In de(n) paschen /