Ik hans swaͤf bekenne vnd Betughe ope(n)bar in desme breue dat ik dar mine(n) willen / vnd gantze(n) wlbord hebbe to ghegheue(n) . dat her Johan swaͤf mẏn vedder den god gnedich / sij , heft vorkoft hanse van me houe , achte schilling gheldes in ebele(n) mestmekers boͮde / bẏnne(n) soltwedel , des to ener witscop so hebbe ik mẏn inghezeghele mit wille(n) ghehe(n)g(et) / an dessen breff , de gheue(n) is Na godes bord dritteẏnhu(n)dert Jaar . In dem achte(n)techste(n) iare / des vridaghes neghest na des hilghen kerstes daghe /