Wy Ratman olde vnde nyge der nygenstad to soltwedele . Bekennen vnde bethughen openbare . vor vs vnde alle / vse na komelinge vses Rades inder nygen stad to soltwedele . vnde doͤn witliken alle den ge(n)nen de dessen breff seen / horen edder lesen . Dat de Ratman inder olden stad tō soltwedele vs to staded hebben dorch sunderliker gunste / vnde eyndracht willen . dat wy de plangken de bouen eren grauen stan bouen den vluͦtwerke vor de(m) syledore . schuͦl/len buwen wa(n)ne vnde wo dicke vs des nod is vnde behuͦf . van vs(er) stad ghelde . vnde schuͦllen vnde willen dor de . / suluen plangken maken vnde holden eyne porten anderhaluen langen ellen wyͤd dar men mit schepen dor varen / mach . vnde der suͤluen porten schuͦllen de ratman der olden to soltw(edel) stad mechtech wesen vnde wy nicht to bru/kende vnd op vnde to toslutende wan en vnde den eren des to doͤnde is sunder generchleye hindere vnde weder/sprake vs(er) vser nakomelinge edder der vsen . ok is de graue bouen den vluͤtwerke al vt inder breyde erer olden / stad wente an vse nyge wykhuͤs dat we dar sulues op gemured hebben . vnde we(n)te an de huͤs de dar oppe stan . Des / to thughe vnde merer bekantnisse . hebbe wy vns(er) stad groteste ingeseghele laten hangen an dessen bref Ghe/uen na godes bord drytteynhunder(t) Jar in dem vif vnde achteghesten Jare des anderen daghes naghest na / su(n)te Lucien daghe der heylighen Ju(n)gvrowen , ,