Wy̆ her nicolaus de p(ro)uest . her Johan de p(ri)or vn(de) dat gantze Capittele des closte(r)s tuͦ d(e)me hilghengheyste vor soltw(edele) bekennen in / dessen brẏue . Dat wy . v(m)me vru(n)tliker erscheydynge . tveẏ settynge . vru(n)tscap vn(de) svͦne wille . de de bescheydene lude . her Bernd duͦuel / vn(de) meyster dyderik stolteman tvyschen le(m)meken kertzenghetere . vn(de) vs . mit vser beyder wille vn(de) vuͦlbord ghedeghedyng(et) hebbe(n) / vn(de) ghemaket . na vdwysynge des rades bry̆ue inder nyen stad tuͦ soltw(edel) . den wy an beyden syden dar ouer ghewilkoret hebben / vn(de) ghebeden . willen le(m)meke kertze(n)ghete(re) w(er)uen eyne lozinge va(n) den pawese . oft he dorch enegher schicht weghen . de he beghan / hadde an p(ro)uest Tho(ma)s . vn(de) an vs . vn(de) an vseme godes huse indes pawes banne w(er)e . Id en w(er)e also dane sake . dar¹ he sulue(n) v(m)me den / pawes mvͦste zuͦken . denne schole wy om dar tuͦ helpen mit bede mit vordernisse tuͦ vsen vru(n)den . so wy vorderst moghen . Ok / wanne Le(m)meke vte deme banne is . vn(de) he dat van vs esghet . so wil wẏ en vntfangen i(n) vse bruͦderscap . vn(de) mede deylaftich dvͦn alle / vser ghuͦden w(er)ke . Ok wil wy ewichliken beghan in vseme closte(r) de dechtnisse her wilkens kertzengheters de vse mede Canonik vn(de) / bruͦder was . vn(de) syner olde(re)n byname . synes vaders . Clawes kertze(n)ghiters . ylzeben syner muͦde(r) . vn(de) orer Kinde(r) ghese birnemans . beke / Kallenen den god alle(n) ghenedich syͤ . vn(de) le(m)meken . vn(de) clawes ok kertzenghitere her wilkens bruͦde(r) ghenvͦmet na oreme dode . Alle / desser vorbenvͦ(m)den schole wy vn(de) willen ore Jarlike dechtnisse beghan mit her wilkens dechnisse vn(de) alle orer lyf houede des ande(r)n / daghes na su(n)te peters vn(de) paulus daghe . Desse dechtnisse schole wy tuͦ voren ku(n)deghen des sondaghes wa(n)ne(r) me se Inder wekebeghan / scal . Ok schole wy vn(de) will [...]² vorbenvͦmet her wilkens . syner olde(r)n syne(r) suste(r) vn(de) Bruͦde(r) . vn(de) alle orer lyfhouede alle sondaghe / denke(n) wanne(r) me de hilghe(n) daghe In vseme godes huse ku(n)degh(et) . Ok scal de parhere van su(n)te katherine(n) alle Jarlik ewichlike(n) de sulue(n) / dechtnisse alle desser . vorbenvͦmet . des ande(r)n aue(n)des na . also . se vorbegan is mit vigilien vn(de) mit sile missen began In su(n)te katherinen / kerke vppe der nyen stad . vn(de) scal ok de sulue dechtnisse tuͦ voren ku(n)deghe(n) laten van den predikstuͦle des sondaghes wa(n)ne(r) me se / In der weke began scal . ok scal de parhere va(n) su(n)te katherine(n) byname laten denke(n) her wilkens vorbenvͦmet de ok p(ar)here hadde wese(n) tuͦ su(n)te / katherine(n) . vn(de) syne(r) olde(r)n . syne(r) suste vn(de) bruͦde(r) alle vorbenvͦmet byname . alle sondaghe ewichlike(n) . ok inder neghesten dechtnisse nvͦ tuͦkome(n)de / vn(de) bynnen vir weke(n) darna wil wy her wilke(n) holden vn(de) holden laten veftich zile missen . Hir mede scal alle tvydracht . schelynge . vpstote . / vn(de) alle sake . heymelke . edder ope(n)bare . meynlike oder su(n)derleke . de le(m)meke mvͦchte hebbe(n) mit rechte edde(r) i(n) ander wise wedder vs allen . edder / Jema(n)ne besu(n)deren . vn(de) wy wedder tuͦ le(m)meke(n) v(m)me syne(n) bruͦde(r) her wilken vor dicke benvͦmet . edder Jenegher leye wis van syner weghen wesen / dod . vn(de) altuͦmale wesen wech ghelecht . vorsvͦnet . vn(de) wol bericht . alle desse vorschreue(n) stuͦcke loue wẏ vorbenvͦmeden . p(ro)uest p(ri)or . vn(de) dat gantze / capittele des godes hus tuͦ d(e)me hilghengheiste . le(m)meke kertze(n)ghite(re) vn(de) syne(n) vru(n)den . vn(de) d(e)me rade i(n)der nyen stad tuͦ soltw(edele) truweleke(n) vn(de) wol / tuͦ holdende svnder jenegher leye hulpe rede. Dat betughe wy mit vses p(ro)uestes Ingheseghele . dat wẏ mit wille(n) vn(de) mit witschop hebben late(n) / hengen an dessen bryf . de gheuen is na godes bord drytteyn hu(n)dert . dar na i(n) d(e)me achte vn(de) achteghesten . Jare . i(n) deme daghe der hilghe(n) dryer / konynge dage³ vn(de) der ape(n)barynge vses he(r)n Jh(es)u cristi /