Ik heẏne went . borgher in der Nẏgenstad tho soltwdele . Beke(n)ne in dessem breue . dat ik / hebbe vorcoft . vnde ghelaten vnde vor late jn dessem breue . to enem rechte(n) ewi=/ghen cope hern hinrike van da(n)nen(er)ghe enem vicario to soltwedel . to truwer / hant . vnde nuͦt . der vruwenamen dede wonen vnde gode denen . In sunte annen / huse vppe deme houe to deme hilghen gheẏste vor soltwedele . mine wisch . dede lit / twischen der oldenteghelschuẏnen vnde der Gesnen . vor soltw(edele) . vrẏ vnde vnbewore(n) / mid aller to behoringhe . vor achteẏn mark b(ra)ndeborsches suluers . de mẏ al rede / betalet sint . vnde wil en der wisch eẏn recht were wesen . vnde hebbe se hinri=/ke van wẏda enem borgher inder oldenstad to soltwedel . vp ghelaten . vor richte / to truwer hant . her hinrikes . vn(de) der vruwenamen Insunte Anne(n) huse vor ghe/nomet . Tughe desser dink sint de Erbaren lude . her Arnt sak . her Merten van / der arnesse . her Diderik schulten . prestere . Clawes godeschalk in der oldenstad / Coppe brunowe in der Nẏgenstad Radluͦde . Godeke van krẏchelendorpe vn(de) vele / bedderuer lude . To grotterer bewẏsinghe . hebbe ik mẏn Inghezeghel ghehe(n)ghet / an dessen breff . de ghegheue(n) is na godes bord . drutteẏnhu(n)dert Jar in deme achte / vn(de) achteghesten iare . In vser vrowen auende to lichtmissen . /