, Wy Radma(n)ne der nygenstad to soltwedele . Coppe bruͮnowen . herman wisteden . Ermbrecht . heyne bok / Thide boͤk . henneke kallenen . arnd ghoden . Gherke le(m)men . gherke langenbeke . bekennen vnde bethu=/ghen i(n) desse(m) ope(n) breue vor allen de en seen edder horen lesen . dat heyneke wysteden borghere in der / olden stad soltwedele . heft vor vs gewesen v(n)de heft gelaten heynen sandere vs(en) borghere . allent / wes he mochte hebben . an dem ackere to puͦtlencze . an wyschen . an holten vnde an allerleyge to behori(n)ge / also he(n)neke sandere ichteswa(n)ne vse borgh(er)e . deme god gnedich si . beseten hadde . ok heft eme laten be/su(n)deren . eyne wysch de he dar hadde . vortmer heft heyneke wisteden . vor sproken . vor laten allerleyge / to sprake de he¹ hadde . to heynen sandere . quyd . vry . ledech vnde los . vnde dar nicht mer uͦp to sakende . , / dat dẏt redeliken vnde rekeliken vor vs gehe scheͤn is² . des hebbe wy witliken vs(er) stad ingeseghele laten / hengen an dyssen bref . Gheuen na godes bord drytheynhu(n)deret Jar in dem achten v(n)de achtegheste(n) / Jare i(n) dem myddeweken na mydvasten , , , /